Ajo, co chi boffa

Da Wikisource.
Jump to navigation Jump to search
romancio

Conradin de Flugi 1908 Indice:Decurtins - Rätoromanische chrestomathie, IX.djvu Ajo, co chi boffa Intestazione 30 marzo 2021 75% Da definire

Cur cha eu spusa sun, che dessa fer Gnö, gnö, quista flur
Nuvola apps bookcase.svg Questo testo fa parte della raccolta Rätoromanische chrestomathie

Scarica in formato ePub Volkslieder 75%.svg  di Autori vari (1908)

[p. 60 modifica]

24.

(Flugi, Volkslieder, p. 72 — 78.)

„Ajo, co chi boffa,
E soffla d’intuorn,
Ajo, co chi naiva,
La naiv svoul’intuorn.

5 Tant spert co ch’eu possa
Voelg provar dad ir;
Eu veng, o tü chara;
Che am pe seguir?

Eu tem cun radschun
10 Chi nun saja avert;
Chi sa sch’ella avra
Siand usche tard?

Eu veng cun algrezchia
Alla porta a pichar,
15 La mia chiarischma
Vain our a guardar.

„Chi picha usche tard?“
O tü chara vusch!
Pür ve gio e derva,
20 Teis marus es dschtrusch. —

Mo inua ais la strada?
Mo Dieu! scha’ m pardess!
E pro mia chara
Rivar nu pudess.

25 Ach na, ach na, Segner,
Aut saiast ludâ,
Chi’ s vezza la chasa
Ingio ella sta.“—

[p. 61 modifica]

Siand ünzacura
30 Nel lö arriva
La porta averta
Ha el la chiatta.

Rivet aint in stüva,
Guardet cun amur,
35 Sün sia chiarina
Chi sta cun stupur.

Sü dal mulinè
Per al dir bainsan;
Mo el la branclet,
40 E bütschet dalun.

„Mo di’ m, tü mieu char,
Mo di’ m la vardat,
Che t’ha commovü
Da gnir usche tard?

45 Chi t’ha commovü
Da gnir usche tard
In quaista burrasca
Pro mai a tramalg?“

„Be tü, o chiarischma!
50 Ch’eu sto confessar
La grandissma amur
Chi’ m voul consümar.

Be tü est ma vitta,
Tü füssast ma mort,
55 Sch’ tü schessast: „banduna’ m
Tschercha üna otra sort.“—

Anetta disch lura:
„Nun tmair, mieu cour char,
A saimper e saimper
60 Vegn eu at amar.

Co est il mieu maun,
Co est il mieu cour,
Eu sgiür sun l’Annetta
Chi t’ama trasour.“—

[p. 62 modifica]


65 Co tschainten insembel
Quist pêr dad amur,
E giodan insembel
L’algrezchia in lur cour.

Els laschan chi schbischa
70 E boffa d’intuorn,
E stan aint in stüva
E s’ branclan intuorn.