Bun dé berba Tone
 |
Questo testo è da formattare. | |
Buǹ dé bärba Tonne
- B. O, buǹ dé bärba Tonne!
- A. Buǹ dé, buǹ dé, Battista.
- B. Cò vala, bärba Tonne?
- A. Oh, nia mal, nia mal, ŝ' aǹ ha sanité.
- B. O ŝé, ŝé, la sanité é meffo bëiǹ la plü bella cossa de le Mond ëlla.
- A. Quëst diŝi pa inçh' jeu: olà ch' ëlla mançhia, mançhiel tüt.
- B. Sëise stè a marçhié, n' él vëi, bärba Tonne?
- A. Ŝé, Ŝé; jeu suǹ stè a marçhié da Sant Ŝimuǹ.
- B. Ëise bëiǹ meffo comprè valq?
- A. Oh, j' ha bëiǹ comprè, ch' j' ha comprè zacotaǹ de biesces, e 'na ria azòra, despò 'ǹ pü' de liǹ.
- B. Le liǹ serà pa bel ël questa óta?
- A. Bel, bel, mó ël é pa inçhie a pri[e]ŝ.
- B. O, valq de bel é dagnor' a prisc ël.
- A. Quël haste bëiǹ raĝiuǹ.
- B. Çhi cunta'ǹ derest da nü?
- A. O, aǹ cunta, ch' ël dess estr çhiéze verres.
- B.Verres? tra ché?
- A. Oh, aǹ diŝ tra i Türtg e i Rüssi.
- B. Quanta, tra chi sie pa peu çhi ch' ël ó, ŝ' ëlles ne vëgn peu de ma nò inte neuŝ paÿŝ.
- A. Nò, nò, quël minassi pa bëiǹ de nò quël. Die n' eǹ värde!
- B. Ah ŝé che la verra n' é pa meffo nia de buǹ ëlla.
- A. Per l' amur de Die, de buǹ sé! Valq de piéĝ ne seràl pa mìa. N' aldeste pa, che Signur Curat quaǹch' ël sëgna a le tëmp, prëÿa dagnòra, che le Signur Iddie nes travèrde da la peste, da la faǹ, e da la vèrra?
- B. Da la peste e da la faǹ aldi bëiǹ, mó da la verra n' hai mai aldì nia jeu.
- A. Ël diŝ peu: bello ó di vèrra por latiǹ?
- B. Per latiǹ? Latiǹ ne sai pa meffo jeu; perçhi ch' jeu n' ha mai studié jeu.
- A. Studié n' hai iǹçh' jeu ne, mò quëst tant capësci meffo inpò.
- B. O, quaǹche jeu suǹ pa tant vedl che vos, bärba Tonne, capirai pa bëiǹ inçh' jeu de plü.
- A. O mi buǹ grammaćh, quël ch' aǹ n' impara da ĵogn, ne sa'ǹ pa inçhié da vedli ne. Ŝe t' ós dunca savëi valq, quaǹche t'es vedl, mësseste mëtte maǹ a imparè infinaché t'es ĵon. Vé, che da vedl[i] n' impareǹ nia plü, vè.
- B. Quël serà pa bëiǹ ël.
- A. Sigü, ch' ël é.
- B. O, ŝ' a revédr, bärba Tonne.