Deh! Lassa mi, tapina sagurata
 |
Questo testo è completo, ma ancora da rileggere. | |
Questo testo fa parte della raccolta The Oxford book of Italian verse
Che son zovene e bela,
E fantinela fu’ incarcerata.
Ancora non avea deze anni
5Che fu serrata e stretta in queste mura,
E videmi spoiar li dolze panni
E revestirme d’una veste bruna.
Deh! lassa mi tapina, quant’è dura!
Son greve le mie pene,
10Chè d’ogni bene alora i’ fui privata.
E porto una camisa de stamegna
Su le mie carne preciose e bianche,
E dormo sora un fasso de gramegna,
E spesse volte solo su le banche;
15Quando credo posar le membre stanche
El sona el matutino
E perdo el vino se non son levata.
Vàne, balata mia, vàne ora mai
De la mia parte a zascuna donzela,
20A quante mai tu ne troverai,
E dighe e cóntaghe questa novela:
Che eo son serata in questa zela,
E perdo el dolze tempo!
Tropo per tempo e’ fui incarcerata!