Guardai mia marusa

Da Wikisource.
romancio

Conradin de Flugi 1908 Indice:Decurtins - Rätoromanische chrestomathie, IX.djvu Guardai mia marusa Intestazione 30 marzo 2021 75% Da definire

Quaist ais uossa la prüma saira Cur cha eu spusa sun, che dessa fer
Questo testo fa parte della raccolta Rätoromanische chrestomathie

Scarica in formato ePub Volkslieder   di Autori vari (1908)

[p. 57 modifica]

22.

a

(Flugi, Volkslieder, p. 60.)

„Guardai mia marusa,
L’ais our in quella prada,
L’ais our in quella prada,
E tü mil’hast pigliada.

5 La mia marusa ais alba,
L’ais alba be sco’ l sal,
Cha a la far gnir cotschna
Voul vin ün grand bocal.

La mia marusa ais naira,
10 Pü naira co’ l chiarbun,
Cha a la far gnir alba
Voul aua da savun.

Pür spetta, meis cumpong,
Tü m’hast fat ün grand donn.“—
15 „Uoi, schi nu sa che far;
Schi nozzas voelg at dar.“

„Eu vless plü jent sentir,
La vera a murir,
La vera gio la fossa,
20 Co cun tai far nozza.“

[p. 58 modifica]

b

(Annalas XIV, Vital, p. 212/5.)

Guardai, co ma marusa
L’ais our’in quella prada;
Ün oter mal compagn
Ais gnü e l’ha pigliada.

5 Compagn, tü mal compagn,
Tü hast tut la mia chara;
Con tanta marusada
Tü est gnü e l’hast pigliada.

Pür tascha, meis compagn,
10 Ch’eu’ t fetsch gnir a mas nozzas.
Plü gent ir alla fossa,
Co pro tai ir allas nozzas.

Plü gent vair a’ t sepulir,
Co at vair a spusar;
15 Plü gent ir alla fossa,
Co pro tai ir allas nozzas.

Chi spia, quel sa,
E chi piglia quel ha;
Sun it e l’ha spiada,
20 E tü est gnü e l’hast pigliada.

Que ais sco ün bap,
Chi ha be ün figlia;
El guarda sü per quella,
E vain ün oter e la piglia.

25 Que ais sco ün mat,
Chi ha be ün marusa;
El guarda sü per quella,
E vain ün oter e la spusa.

O matta, bella matta,
30 Tü hast bain ün’alba fatscha,
Tü hast ün’alba fatscha,
Mai l’ais dscheta sco la glatscha.

La glatscha, quella leua,
Ma l’amur, quella noo ’s perda.
Con tanta marusada
Tü est gnü e l’hast pigliada.

[p. 59 modifica]

c.

(Annalas, XI, Vital p. 174/5.)

Pür spetta meis compagn,
Tü m’hast fat ün grand dan,
Da tanta marusada
E tü am l’hast pigliada!

5 Uoi, schi non sa che far,
Schi nozzas at vögl dar,
Da quai non t’ sa ingün gra,
Pür lascha’ m in ma cha!

Voless plü gugent sentir,
10 La vera a morir,
Sa vera a spartir,
Co con tai ir e gnir!

Voless glü gugent be uossa
La vera gio la fossa,
15 La vera gio la fossa,
Co con tai a far nozzas.