Quaist ais uossa la prüma saira

Da Wikisource.
Jump to navigation Jump to search
romancio

Conradin de Flugi 1908 Q Quaist ais uossa la prüma saira Intestazione 22 febbraio 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Scarica in formato ePub Volkslieder 50%.svg  di Autori vari

21.

a.

(Flugi I, Volkslieder, p. 58/60.)

El: Quaist ais uossa la prüma saira
Ch' eu veng qui a tramelg tiers te.
     Ella: Leivast gnir pü bod.

Che füss quai stat, scha füss gnü plü bod.
5 E nu' m avessast lascha gnir aint?
     — Leivast provar.

Scha vess provâ e nun vessast laschâ.
Schi vessast tü gnü la raschun.
     — Hast rabgia?

10 Che füss que, scha rabgia ch' eu vess?
Schi pudess eau bain cridar.
     — Che giavüschast ad el?

Eu less chia' l fuoss gio' l fuond dal mar,
E ch' eu mai nu' l vazess plü.
     15 — E a mi, che giavüschast?

Eu less tü fuossast sün üna bella plazza,
E ch' eu t' vazess iminchiadi.
     — Che vessast lura?

Sch' eu t' vzess iminchia minchia di
20 Schi' m pudess eau adüna allegrar.
     — Va, a Dieu.

Schi sta a Dieu, ünguotta in mal,
Eu e tü mai nun ans vezains plü.

b.

(Annalas XI, Vital, p. 220 — 221).

El: Quaist ais bain la prüma, prüma saira,
Cha eau a ti poss vair.
     Ella: 'Laivast gnir pü bod!

El: Che füss que sto, sch' eau füss gnieu pü bod,
5 Nun avess pudieu gnir aint.
     Ella: 'Laivast pruver!

El: Pruvo he bain, ma tü hest la radschun;
Ve gio, lascha 'm ir aint!
     Ella: Che voust fer quiaint?

10 El: Eau vögl be at salüder da cour, da cour
A te charissma amia.
     Ella: Eau nun he buonder da tieus salüds.

El: Eau se bain, cha tü est steda hersaira …
Cun ün oter a tramegl!
     Ella: Hest rabgia?

15 El: Schi, cha he rabgia, 'm fo mel il cour:
O chera, nu 'm fer pü que.
     Ella: Na, sgür brich.

El: Nu' m fer pü que, nu' m fer pü que,
Fin ch' eau tar ün' otra vegn.
     Ella: Schi vo!
20 El: O schi sto in Dieu, inguott', inguott' in mel,
Scha eau nu' t vezzess pü.
     Ella: Istessamaing eir eau.

El: Eau v' less, cha tü füssast in üna bella plazza,
25 Cha 't vezzess imminchadi.
Ella: Eau v' less, cha tü füssast gio' l fuonz, gio' l fuonz del mer,
Ch' eau nun at vezzess pü.