In cas, chi s' imbatta

Da Wikisource.
Jump to navigation Jump to search
romancio

Andrea Vital 1908 I In cas, chi s' imbatta Intestazione 22 febbraio 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Scarica in formato ePub Volkslieder 50%.svg  di Autori vari

52.


(Annalas XII, Vital, p. 263 — 65.)

In cas, chi s' imbatta
Quai, ch' eu vegn tscherchand,
'Na prusa bella matta
Lura vegn eu chattand.
5 Pel vaira, pel vaira,
Ch' eu at di da vaira,
Inguotta vegn spargnand
A quella da cumprar.

A quella cumprerà
10 Zuond bel da la vestir,
E con meis bel daner
Da Frantscha vögl far gnir
Pan fin cramesin,
Schi eir da la vestir
15 Las sias bellas s-charpas, …
Ch' la possa bin saglir.
 
Duos abits vögl, ch' ell' haja,
Ün blau e l' oter nair;
Lura la rifarà
20 Ün bel büst dadoura,
Curschins dals plü fins
Manazins ed urachins,
Cha cur ch' ella porta
Chi glüscherà zuond bè.
 
25 Lura la cumprerà
Eir pan dad ün libsbruch,
Lura la drizzerà
Tamasc dad ün brastoc,
Eir bels ed eir bindels
30 Ch' la mai non ha vis sco quels,
Indianna ed eir quadrata,
Eir quai la drizzerà.

Fazöls 'na quantità
A quella vögl drizzar
35 Suainter sais dalet,
Dech schi sun bunmarchà;
Pel vaira, pel vaira,
Cha eu 'la di da vaira,
Quai po 'la bain zuond crair,
40 Cha quai la drizzerà.

Da spaisas mangiativas
Non vögl laschar mancar,
Buns peschs e sulvaschina
Quai la vögl drizzar.
45 Sia bella donsella,
Chi serva dech ad ella,
Tuot quai ch' ella comanda
Sarà 'l qua per far.

Fintant la buorsa düra
50 Quai la vögl drizzar,
Vin cotschen e vin nair
Dal plü bun, chi 's po avair.
Pel vaira, pel vaira,
Cha eu la di da vaira,
55 Quai po 'la bain zuond crair,
Cha quai la vögl drizzar.
 
Fintant cha la matta
S' contenterà daffatta,
S' contenterà da prus
60 D' avair ün bel marus,
Chi la darà ün tal dalet
Con bainvoglientscha inandret.
E cur cha quai non po güdar,
Tour üna sua e la stranglar.