Poesie (Porta)/29 - Signor, se in quanto omm certi travaj

Da Wikisource.
29 - Signor, se in quanto omm certi travaj

../28 - Bravi i mee Gambaritt! Se Dio el v'ha daa ../30 - I SETT DESGRAZZI IncludiIntestazione 27 settembre 2008 75% poesie

Carlo Porta - Poesie (XIX secolo)
29 - Signor, se in quanto omm certi travaj
28 - Bravi i mee Gambaritt! Se Dio el v'ha daa 30 - I SETT DESGRAZZI

 
Signor, se in quanto omm certi travaj
che indegnament v’han faa patì i giudee
poss senza ostentazion paragonaj
ai travaj ch’el dà a mì on tal sur Michee,

sont chì col vost esempi a sopportaj5
con pazienza a mesura de quartee,
pront, anch s’el se intendess de redobbiaj,
a lassall fà senza voltamm indree.

Anzi, per imitav anmò de pù,
ve foo quella orazion per sto Pilatt10
che per el vost Pilatt avii faa vù.

Ah sì, el mè car Signor, fegh sù on croson,
nescit enim quid facit, e deffatt
el savè no l’è pan per i cojon.