Qua eir' üna giuvnetta
 |
Questo testo è completo, ma ancora da rileggere. | |
| ◄ | Daman a mamvagl vögl eu alvar | Vlain comanzar eir a chantar | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
121.
(Annalas XIV, Vital, p. 257 — 259.)
Qua eir’üna giuvnetta,
Üna giuvnetta persa,
Üna giuvnetta persa,
Per set dis e per set nots.
5 Qua gnit ün chavalgiaint
E disch: Che fast, giuvnetta?
Eu di, cha mi sun persa
Per set dis e per set nots.
O di, o di, giuvnetta,
10 Voust gnir con mai in groppa?
O schi, ch’eu vögl ir via
In groppa davo el.
Qua gen ün toc inavant,
Schi comainz’ la a chantar;
15 Per begl ch’ella chantaiva,
Schi la crappa strasunaiva.
O di, o di, giuvnetta,
Da chi, da chi est figlia?
Eu di, cha mi sun figlia
20 Dad ün pover giornalier.
O di, o di, giuvnetta,
Co est ’sche bain fittada,
Con nollas, con manins,
Con usche finas granadas?
25 Tuot quai meis bap guadagna
Schi mett’el intuorn mai,
Schi mett’el intuorn mai,
Per am fittar a mai.
Qua gen ün toc inavant,
30 Schi comainz’ la a chantar;
Per begl ch’ella chantaiva,
Schi la sassa strasunaiva.
O di, o di giuvnetta,
Da chi, da chi est figlia?
35 Eu di, cha mi sun figlia
Dad ün pover artischan.
O di, o di, giuvnetta,
Co est ’sche bain fittada,
Con nollas, con manins,
40 Con usche finas granadas?
Tuot quai meis bap guadagna,
Schi mett’el intuorn mai,
Schi mett’el intuorn mai,
Per am fittar a mai.
45 O, schi guardai tschavia,
Quella bella compagnia,
Quai ais meis signur bap
Con seis dudesch serviturs.
O, schi guardai tschavia
50 Quella bella compagnia
Quai ais ma signura mamma,
Con las sias dudesch donzellas.
O povers nars quels mas-chels
Chi crajan allas femnas.
55 Füss it per otra via,
Schi la matta eira mia!