Aberglauben (Surselvisch)

Da Wikisource.
Jump to navigation Jump to search
romancio

A Indice:Decurtins - Rätoromanische chrestomathie, II.djvu proverbi Aberglauben (Surselvisch) Intestazione 13 febbraio 2016 25% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT


[p. 625 modifica]Aberglauben 1025 <poem> Ludeit el Soll[el]g a lgina! Ludei el tuts ses corps! 295 Ludeit el tuttas steillas! Ilg ludeit tuts cartents! Ach, schi veng, Senger Jesu, veng po vonzei, vonzei; En tschiel tiers tuts ligieus, 300 Amen, nus prend tiers tei. finis, finis.


ABERGLAUBEN.

1. Van las cusadiras sin la palma - maun lunsch ina ord lautra, sch' ei quei ina enzenna, ch' ins maridi, van ellas plitost ensemen, sche marid' ins buc.
2. Neiv' ei fetg il di de nozzas, sche dat ei gronda familia.
3. Stgir di de nozzas, stretg en casa.
4. Clar di de nozzas, lartg en casa.
5. Eis ei malaura il di de nozzas, sedattan e sepugnan ils meridai.
6. Sch' ei neiva e cufla el di de nozzas, sche vegnan ei aschi paupers, ch' ei ston ira cun il zitget.
7. Sch' ina candeila arda bein, lautra buc d' enzinar en, sche vegnan ei malperina.
8. Ardan las candeilas il di de nozzas sbrenzlont, sche vegnan ils consorts … buca perina.
9. Semeinan il spus e la spusa sin igl altar cul dies in encunter lauter, sche vegnan els gleiti malperina.
10. Eis ei nozzas in di de bara, vivan ils spusai buca ditg.
11. Femnas maridadas, che portan buc' ani, ston purtar in ani de fiug el purgatieri.
12. In che nescha sin quattertembras, empren bia pli tgiunsch en scola, e pli tard vesa el spirts, strias e barlots.
13. Cura ch' ina dunna anfla duas spigias sin in strom, survegn ella schumellins.
14. Affons, che neschan sin ina vigielgia, dattan glieut aparti, che han visiuns e san dir ordavont, cu enzatgi miera.
15. Affons, che neschan cun ina capetscha, vegnan paders ne mungias. 16. Ins deigi buca far bogn als affons en in vaschi, che piardi, schiglioc pon els silsuenter buca tener l' aua. 17. Tgi che vul affons de fina colur, sto metter vin e latg el bogn. Romanische Forschungen XI. 3. 65

-046-

1026 Aberglauben [p. 626 modifica]18. L' aua dil bogn astg' ins buca better sur il laupiet giu, schiglioc vegn ei affons, che dattan giu malurdau. 19. Cura ch' ins fa bogn als affons, ston ins better ora bufatg l' aua, schigloc dattan ils affons bugient giu. 20. Cura ch' ils affons bragian, tochen ch' ei battegian, mieran els gleiti. 21. Ins dovei buca far ira ina nana vita, schigloc survegn gl' affon la bua. 22. Ins astga buca far nana cun ina nana vita, schiglioc survegn gl' affon mal il tgau. 23. Cura ch' ins fa nana ad ina nana vita; fa ins nana al Giavel. 24. Per perservar igl affon della bua, ston ins zugliar el en ina materia blaua. 25. Encunter la bua, met' ins en tgina in tschos blau. 26. Per far calar la bua, dovei la mumma sgarar giu in tec aur dil siu ani e lu vegn ei meglier. 27. Per far crescher spert ils dens als affons, sto ins metter entaculiez snecs. 28. Ins duei buca tagliar giu unglas als affons, avon ch' ei seigien miez - onn vegls, schiglioc vegnan ei ch' ei engolan. 29. Ins dovei buca schar ira anavos ils affons, schigloc portan els aua al giavel. 30. Affons, che maglian scheuldas, survegnan plugls. 31. Sch' ils affons maglian paun misch, vegnan els buns cantadurs. 32. Vegn in affon tut eningada grevs, mier' el gleiti. 33. Sch' ils affons laguottan plum, creschan els buca pli. 34. Ils affons, che beiban latg caura de pign, astgan ira de grond sco las cauras el malsegir. 35. Tgi, che beiba bia latg caura de pign, vengn nauschs sco las cauras. 36. Affons pigns deigien buca ira daven d' igl esch casa suenter tuccar d' Ave - Maria, schiglioc pon schliatta glieut noscher els. 37. Ins sto buca schar mirar in affon de cazola en in spieghel, schiglioc ves' el leu en il giavel. 38. Cura ch' ei dat las uras duront alzar si Niessegner, miera gleiti enzatgi. 39. Cura ch' il zenn va de miert, dat ei gleiti bara. 40. Cura ch' ei tucca trest de miezdi, sche miera gleiti zatgi. 41. Van biars la domengia ensemen a messa, sche dat ei en quort ina tresta bara. 42. Vesa ins da notg cazolas, miera gleiti enzatgi. 43. Fa la glisch della cazola de seif capiala, sche miera enzatgi gleiti suenter en quella casa. 44. Maglia il lamegl ora ina rusna el seif, sche miera gleiti enzatgi della casa.

-047-

Aberglauben 1027 65* [p. 627 modifica]45. Cura che la cazola vul traso stizzar, miera enzatgli gleiti. 46. Fan las schualmas in onn igniv en ina casa, e tuornan gl' auter onn buca pli, sche miera enzatgi en quella casa. 47. Sch' ins auda mont stellas la notg ed ei gliei bial' aura, ei quei annunzias … de mort d' amitgs ner parents. 48. Cura ch' ils tgauns bragian, dat ei gleiti ina bara. 49. Sch' ei vegn ina crusch sur ina casa, miera gleiti enzatgi. 50. Tgi ch' entaupa la damaun gl' emprim il caluster, miera gleiti. 51. Cura ch' ils affonts fan sco de satrar avon ina casa, miera gleiti enzatgi … en quella. 52. Il catschadur, che vesa in camutsch alv, sto gleiti morir. 53. Quels de pez - entir mieran pli vess. 54. Il pli tgiunsch miera ins duront igl ir giu dil solegl, il pli vess de mesa - notg. 55. Cura che enzatgi miera, sto ins arver ina fenestra. 56. Miera il patrun casa, crappan ils vadials. 57. Mieran plevonts u calusters, sche mieran gleiti plirs suenter. 58. Cu enzitgi miera, va l' olma tras l' aua, ch' ei en casa. 59. Femnas che mieran en pigliola, van buca a piarder e vegnan bein gleiti suenter per lur affon pign. 60. Cura ch' in affon, ch' ei morts, ha nodas blauas vid il culiez, eis el tuccaus dils morts, ch' ein vegni per el. 61. Cu ins vesa dent giu ina steila, sche miera enzatgi en quei moment. 62. Sch' il miert ha la bucca aviarta, miera gleiti enzatgi. 68. Sch' il tgierp dil spartgiu resta ualti ditg caulds, sche va ei prest enzatgi suenter. 64. Cu enzatgi ei miert, sto ins beter ora tut l' aua, ch' ei en casa. 65. Quella, che fa gl' emprim il tschupi d' in mat, quella hagi buna ventira. 66. Aschi gleiti che quels, che portan la bara, ein en santeri, vegn quella pli greva. 67. Tucc' ei bein ils quors per ina persuna, sche stat ella bein, tucc' ei mal, sche stat ella mal. 68. Cav' il caluster ina fossa il gliendischdis, sche dat ei puspei bara, avont che l' jamna seigi ora. 69. Mettan ils ummens, che satiaran, vi gl' emprim il zapun, sche miera in umm suenter, mettan els aber vi gl' emprim il badel, ei l' emprima bara ina femna. 70. Dat il zenn grond, suenter ch' ins ha satrau ina bara, il davos tucc, sch' ei l' emprima bara in umm. Dat il zenn masaun il davos tucc, sche mier' ei sisu ina femna.

-048- [p. 628 modifica]

1028 Aberglauben 71. Suenter ina schetga bara, dat ei ina bletscha. 72. Arv' ins igl endischdis la fossa, siara ins bugien ella la sonda. 73. Ei ina bara greva de vistgir en, miera ei gleiti enzitgi. 74. Mieran dus ord ina casa, sche vegn ei detg, ch' ei mondi buca ditg, ch' ei mierian treis. 75. Sch' ei miera enzatgi ina mesjamna, sche ha ins il venderdis suenter ne sil pli tard l' autra mesjamna puspei bara en quella vischnaunca. 76. Trer en ner per ils morts ei sco di e notg per las olmas de quels. 77. Sch' in pren buc aua benedida Nadalnotg avont ch' ir a letg, sche vegn il giavel e va cun ins sin in pal si e de tgamin ora. 78. Quei che vegn filau Gievgia - grassa, maglian las miurs. 79. Tgi, ch' ei naschius per Nadal notg, vesa sperts. 80. Glin e launa, che vegnan filai Gliendischdis ne Mardis - Scheiver maglian las miurs. 81. Cura ch' ei gliei bia steillas il scheiver, fan las gaglinas bia ovs quei onn. 82. Sch' ils de Danis ein ils emprims si Schlans de s. Marc, dat ei bia prema. 83. Sch' ils de Breil ein ils emprems a S. Marc, dat ei bia salin. 84. Sch' ils buobs s' enganeschan fetg de s. Marc a Muster, dat ei in bien onn de graun. 85. Sch' ins ha in rap en sac, e fa in tgaubriechel lemprima gada, ch' il cucu conta, sche han ins adina raps avunda. 86. Sch' ins caischa Anseinza e pren de quei caschiel en sac d' ira sur in piogn vi, sche dat ins buca en l' aua. 87. La vigielgia s. Gion dovei ins ligiar si igl agl, schiglioc sfundra el. 88. Ils truffels, ch' ins scavogna la vigielgia de s. Gion avon miezdi, survegnan buca la malsogna. 89. Sch' ins scavogna ils baguos la vigielgia s. Gion avont tuccar de miezdi, sche vegn ei buca si giattas e dat grossas tiastas. 90. Tgi che cava s. Gion stad cristaglias, anfl' in scazi. 91. Sch' ins enquera flurs, fertont ch' ei tucca de miezdi la vigielgia de s. Gion e meta lu quellas flurs la notg sut il plumatsch en, sche siem' ins, cun tgi ins ha de maridar. 92. Tgi, che selava vigielgia Sogn Gion stat entochen ch' ei tuca de miezdi, resta preservaus igl entir onn de rugnia. 93. Per sogn Luregn se sarvi la tiara e muossi ils scazis zupai. 94. Sch' ins cava sin sogn Luregn entuorn las dudisch la tiara, anfl' ins cotgla e quella ei buna per preservar ils thiers dil malner. 95. Sogn Luregn ei in bien di per encurir cristaglias.

-049-

Aberglauben 1029 [p. 629 modifica]96. Nossadunna d' Uost se sarvan ils scazis. 97. Sch' ins cava ragischs Nossadunna d' Uost avon miez di, han ei bia megliera forza. 98. Sch' ils mulines fan ira las rodas sontga Catrina, van ellas en tocs. 99. Las filieras astgan buca tucar las rodas sontga Catrina. 100. Sch' ins va en plazza ina mesjamna, va ei buca bein. 101. Ins sto tagliar giu las unglas allas gaglinas Venderdis - sogn, allura stattan ellas saunas. 102. Thiers, ch' ins noda Venderdis - sogn, van buc a frusta. 103. Ins sto buentar ils vadials l' emprima - gada Venderdis - sogn, allura stattan els sauns. 104. Tschuts ed anseuls nudai Venderdis - sogn, van buc a piarder la stad. 105. Ins sto buc ira a mises in gliendischdis, quei porta discletg. 106. Sonda - sontga deig' ins buc arrar, ei dat schiglioc, buca fretg. 107. Ina mesjamna, ne in venderdis dovei ins mai entscheiver ina lavur, schiglioc va ella mai bein vinavont. 108. Ina femna, che trai panaglia ina mesjamna, ei ina stria. 109. Taglia ins giu las unglas in venderdis, ston las olmas migliar ellas 110. Ir en survetsch il venderdis porta buca cletg, ni a fumegls, ni a fumitgasas. 111. Ins dovei mai midar nuegl in venderdis, quei porta discletg. 112. Vigielgias duess ins buc' ira els uauls, ins se sventirescha tgiunsch. 113. Il venderdis fa ei adina aura aparti. 114. Il solegl se lai ver tuttas sondas. 115. Ins deigi buca metter grascha il scorpion, schiglioc maglia la biestga nuidis il fein. 116. Semna ins truffels ils peschs, vegnan els loms. 117. Sch' ins metta truffels en l' enzenna della feglia, sche cresch' ei mo rabetscha. 118. Sch' ins metta truffels il scorpion, sche vegnan els petters. 119. Semn' ins truffels il steinbock, sche vegnan els buns. 120. Sch' ins semna il glin en l' enzenna dil bov, sche vegn el grobs. 121. Il glin deig' ins semnar en l' enzenna della stadera, lu peis' el pli bia. 122. Lischiva dovei ins buca far l' enzenna dils schumellins. 123. Il steinbock dovei ins buca far laschiva, quei fa stratscha cutta. 124. Per far vegnir bials cavels, ston ins tagliar giu els l' enzenna digl uors. 125. Ils truffels deig' ins metter giu l' enzenna dil bov, sche vegnan quels gronds e bials. 126. Laschiva astg' ins buca far l' enzenna dils schumellins.

-050-

1030 Aberglauben [p. 630 modifica]127. De semnar graun dovei ins metter si ina lada capialla, sche vegnan las spigias era ladas. 128. De semnar glin dovei il semnader star fitg sidretg, sche vegn il glin liungs e grads. 129. Ventscha in thier dil malner, sche dei ins metter il cor ed il lom dil thier vintschiu sin tgamin, sche peglian ils auters thiers buc; mo ins sto fimentar fetg. 130. Per tuccar la stria, che ha fatg il malner, munglass ins barschar il thier vivs. 131. Sch' enzatgi ei daus giu, ne daus encunter, streha ins la noda cun il saung d' ina gaglina alva e lai schigiar quel, lu scomparan tuttas nodas. 132. Tgi che tschontscha el sien, deigi prender in jes ord il carner e metter quel sut il plumatsch, allura cal' el de tschintschar. 133. Sch' ins vul far ira ils diarvets, sche ston ins tagliar ina buccada ord sia ureglia e metter quella en in mugrin, ura svaneschan ils diarvets. 134. Sch' ins lai dumbrar las briclas in auter, survegn quel sez ellas. 135. Las briclas calan, sch' ins fruscha ellas, duront ch' ei tucca de bara. 136. Sch' ins mett 'in toc carn criua sut il stelischaun, calan las briclas. 137. Per far callar las briclas ston ins far en in fil tons nuvs, sco ins ha briclas, e satrar quei fil sut il stelischaun. 138. Per far calar las briclas, ston ins metter tons crappets, sco ins ha briclas, sin in crapp pli grond. Tgi, che fa dar giu ils crapps, survegn … lu sez las briclas. 139. Per far calar slupadiras e briclas els mauns, duei ins unscher quellas cun jeli vanzaus della glisch d' ina bara. 140. Sche las cauras dattan latg mischedau, ston in better quel en in dutg, allura cal' ei. 141. Per in, che siemia fetg, eis ei bien de metter in plumatsch Niessegner sut il tgau. 142. Raps en scatlas de tubac fan, che quels, che tilan ordlunder, survegnan il creps. 143. Per buca schar vegnir il darschalet, sto ins metter ils caltscheuls en crusch sin il palinschiu avont il letg. 144. Tgi, che vul far calar il guotter, sto strihar quel cul maun d' in affont miert. 145. Per far calar mal ils dents, ston ins prender in dent d' in miert denter las dodisch e l' ina ord il carner. 146. Metta ins in fier cavagl en il begl de piertg, pertgira quel ils porcs della malsogna.

-051-

Aberglauben 1031 [p. 631 modifica]147. Cura ch' ins vilenta in rustg, sche betti quel ina aua ora dil tgil, che fetschi murir, tgi ch' ella tuchi. 148. Cura ch' ei vegn buca pischada, ei ina stria en la panaglia. Ins duei far in tagl cun in cunti vid la panaglia, sche tuc' ins la stria, e suenter vegn ei pischada. 149. Cura ch' ins siemia de siarps, han ins gleiti suenter scandal. 150. De semnar graun dovei ins meter si ina lada capiala, sche vegnien las spigias era ladas. 151. Ei vegn detg, sch' ins semni il glin de lina u dellas duas, vegni el quorts. 152. Mett' ins tschendra el sem glin, po la purgina buca noscher. 153. Sch' ins sega l' enzenna dil scorpion, maglian ils thiers buc il fein. 154. Sch' ins taglia giu cavels l' enzenna digl anugl, creschan quels tschuors. 155. Sch' ins fa paun l' enzenna dils schumellins, sefenda el permiez. 156. Sch' ins lava resti en l' enzenna della feglia, sche fa ei plugls. 157. Sch' ins vul, ch' ils pors stetien duront la stad en l' alp, sche ston ins trer ora ad els treis zeiclas gl' emprim di, ch' els ein en l' alp e tschentar … quellas en il mugrin della tegia. 158. Sch' ins po better in caltschiel tgietschen sur igl artg, ein ins richs avunda. 159. Quel, che tila si sur igl artg sia capetscha, survegn anavos quella plein marenghins. 160. Ha igl artg bia verd, sche dat ei bia fein, bia tgietschen, sche dat ei bia vin, bia mellen, sche dat ei bia graun. 161. Cur ch' ei gliei bia neblas cotschnas vid il tschiel, dat ei bia ujara. 162. Quels de cavels mellens ein ventireivels. 163. Quels, che han survintscheglias neras, ein fauls. 164. Quels, che han egls ners, ein fauls. 165. Glieut cun unglas liungas ei pli ventireivla, che autra. 166. Glieut cun cavels cotschens ei aparti nauscha. 167. Glieut cun cavels loms ei migieivla. 168. Tgi, che ha ils dents lartgs, ha cletg. 169. Quels, che han cavels cotschens, ein parents della uolp. 170. La detta melna muonta, survegnir de grettas. 171. Survegn ins vid las unglas tachels alvs, sch' ei quei ina enzenna, ch' in survegni schengetgs. 172. Cura ch' ins survegn tacs melens sin las unglas dils mauns, sche survegn ins a dies cruschs. 173. Cun tuccar maun ad in castgaun, sa ina stria far vegnir quel malsauns. 174. Streha ina stria ad in thier sur il dies ora, sche peglia quel il malner.

-052- [p. 632 modifica]

1032 Aberglauben 175. Siem' ins, ch' ins detti en l' aua, ne ch' ins seigi sil precint de dar en, sche han ins cletg. 176. Tgi, che siemia de plugls, survegn in schengetg. 177. Sch' ins siemia ded ovs, vegn ei sventiras. 178. Siem' ins de paun criu u de carn frestga, sche miera gleiti enzatgi. 179. Siem' ins, ch' in hagi piars ils dents, sche mier' enzatgi della parantella. 180. Cura ch' ins va anavos, porta ins aua al giavel. 181. Entaupa ins sin viadi gl' emprim ina femna, sche va il viadi mal. 182. Cat' ina buoba bienmaun igl emprim, sche ha ins discletg, in buob porta cletg. 183. Falians de combas liungas dovei ins buca mazzar, quels portan cletg. 184. Paun astg' ins buca better en il fiug, schiglioc vegn ins, ch' ins sto endirar fom. 185. Paun astg' ins buca better giun plaun, schiglioc bragia Niessegner. 186. Sch' ins sturnida de gigin treis gadas ina suenter lautra, sche han ins quei di cletg. 187. Vegnan las hazlas la damaun entuorn casa, sche portan ella cletg; fan ellas canera suenter miez di, sche miera ei enzatgi, ne dat schiglioc disgrazias. 188. Anfla ins in trei - fegl cun quatter fegls, sche muonta quei ventira; anfla ins in cun tschun fegls, sventira. 189. Dat ei dariet falians de combas liungas, sche dat ei bia piaun. 190. Sch' ins anfla in fazolet, survegn ins ina bref. 191. Ins sto better ils cavels - glieut en il fiug, che las strias possien buca tier els. 192. Tgi, che sturnida treis gadas in suenter lauter la damaun, survegn in schangetg quei di. 193. Sch' ins lai ardar il fiuc, senza metter si zitgiei sur de fiuc, sche ston las paupras olmas barschar pli fetg. 194. Ins sto mai stizzar il burniu cun aua. 195. In sto mai mazzar ils rustgs, che van per la via de Nossadunna de Trun; quei ei paupras olmas, che ha giu empermess il pelegrinadi en vita e buca fatg el. Suenter la mort ston ei far el en fuorma de rustg. 196. Ins dovei buca mazzar mustgas, ei gliei paupras olmas. 197. Las tschereschas neras han las strias bugient. 198. In cavagl, che ha tratg in miert, va buca sutsura en l' alp. 199. Di ins dils aviuls, ch' ei ventschien, enstagl ch' ei mierian, sche han els nuidis e fan vendetga. 200. Sche mattatschas schulan, bragia Nossadunna.

-053-

Aberglauben 1033 [p. 633 modifica]201. Sch' ils ners van a Capitel, vegn ei a plover. 202. Quel, che snazregia il paun, va buc en parvis. 203. Cura ch' ins piarda bia thiers, han ins era discletg en casa. 204. Cura ch' ins metta cuntials cun il tigliom ensi e cul dies engiu, sche fora quei il cor a Nossadunna. 205. Sch' ins scua stiva suenter miezdi, sche scua ins giuadora il cletg. 206. Sch' ins fa pesch en l' aua, sche bragia Nossadunna. 207. Sch' ins catscha il cunti el latg, sche tagl' ins igl iver della vacca. 208. Sch' ins betta sal el fiuc, sche fan ins ina ovra allas paupras olmas. 209. Tgi che murdregia utschals della cua cotschna, piarda la pli biala vacca. 210. Tgi che murdregia utschals della cua cotschna, a quel brisch' ei giu la casa. 211. A tgi, che murdregia utschals della cua cotschna, a quel dattan las vaccas saung enstagl latg. 212. In sa far tschessar il luft, cun metter ord da fenestra crustas paun. 213. Nua che las strias mondien, mondi lavinas. 214. Cura ch' il clavau tgiula, bragian las olmas. 215. Cura ch' ins tegn in cunti cun la nezza engiu, ston las olmas endirar. 216. Dat il sal de meisa entuorn, sche vegnan quels della casa malperina. 217. Vegn in buob all' entschatta dil di en stizun, fa il hermer bunas fitschentas, vegn ina mattatscha schliattas. 218. Quel, che sa far ora tgiunsch nuvs e scumbegls en fils, survegn ina buna dunna. 219. Quella, che fa il tschos bletsch de lavar, survegn in bueder. 220. Ha ins il nas, che morda, survegn ins dagrettas. 221. Ils tacs alvs sin las unglas maun indicheschan bienmauns. 222. Buca metter sut su il paun sin meisa, schiglioc mett' ins Niessegner cul tgau engiu. 223. Buca tagliar il paun senza basegns, schiglioc bragia Niessegner. 224. Mett' ins il fundament tier ina casa nova, eis ei era cavau fossa per in member de familia. 225. Avon ch' intrar en casa nova, dovei ins fierer en in tgaun, ne in giat, ne ina miur, ne ina talpa, sch' ins vul, che nuot possi nuscher, che la ventira regi en casa nova. 226. Tgi, che baghegia casa nova, sto morir. 227. Tgi, che vegn malsauns en baselgia, vegn buca tgiunsch sauns. 228. Ils baus de cazola portan ventira. 229. Sch' ins anfla in crap alv, ha ins ventira. 230. Sch' ins va ad urgir, sche ston ins cuvierer giu la canastra, nua ch' ils speuls ein en, ne metter en ina buccada paun.

-054- [p. 634 modifica]

1034 Aberglauben 231. Cura ch' ins metta a cuar, deigi ins metter ina capiala cuns treis pizs sisu, lu vegn ei ora spir pluscheinas. 232. Ins deigi trer en in vestgiu gagl, cura ch' ins metta a cuar, e metter a cuar, cura ch' il cavrer va, allura dat ei bia pluscheinas sco cauras, e gaglias sco' l vestgiu. 233. Nua, ch' ei glei baus Niessegner, dat ei buca giu il tun. 234. Pend' ins flurs dil tun sur la meisa, dat il tun buca giu en quella casa. 235. Il fiug dil tun sto ins stizar cun sal. 236. Il fiug dil tun sto ins stizar cun latg. 237. Beiber ord in glas rut ei buca bien. 238. En ina stiva, neua ch' ei arda treis cazzolas, ei in spus ne ina spusa. 239. Rumpa ins ina guila en ina mondura, sche vegn quel, che porta quella mondura, spus en quella. 240. Ventira a quella letg, che dat en parvis igl emprem neschiu. 241. Ins sto schubergiar giu schuber la carn d' armal della ossa, sche han ins meglier cletg dils thiers. 242. Tgi, che sgreffla l' ossa cun il cunti, ha buca cletg cun ils thiers en l' alp. 243. Ina femna deigi siglir siat gadas sur in farbun ora e per allura catschar ils dents en in roser; in umm dovei vegnir giud cavagl, per prender si in farbun. 244. Per puder tuccar thiers striunai, sto ins metter paun en la buis. 245. Sch' il buob, che rispunda messa, mira anavos duront igl orate fratres, sche vesa el tuttas las strias de quella vischnaunca cun in strom en bucca. 246. Ina crusch, formada de ristials enzurin, munta ina sventira en casa. 247. Sch' in catschadur vul gartiar las uolps, sto el el metter treis miulas paun en la purla. 248. Sch' in cunti dat giu de meisa e fetga en en il palintschiu, vegn ins gleiti malperina cun enzatgi. 249. Ins astgia mai berschar lenn suitg, pertgei Sontga Mierta ei vegnida barschada cun lenn suitg. 250. Sch' ins betta sal enta fiug, fan ins ina ovra per las olmas. 251. Sch' ins metta per Nadal - notg ina canastra fein, ch' ins ha pinau per dar en l' autra damaun ed ina sadialla sal ora el liber en tutt' aura, sche peglian ils thiers buc il mal ner. 252. Sche in bab ha plirs affons, buobs e buobas, deigi el dar a mintgin ina candeila ardenta, e las candeilas de quels, che ardan il pli bein, vegn il buob pre e la feglia muniessa. 253. Ha ins enzitgi el jester, deigi ins envidar ina candeila, arda la candeila bein, va ei bein cun el, arda ella mal, mal, steza ella giu dil tut, miera el.