Ed eir' üna vouta ün gentilom
 |
Questo testo è completo, ma ancora da rileggere. | |
| ◄ | Plaundscher stölg uossa ma dulur | O tü marusa, o tü mia, o tü bain chara | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
127.
(Annalas XIV, Vital, p. 266 — 268.)
Ed eir’üna vouta ün gentilom,
Chi vaiv’üna duonna zuond bella;
Qua eir’ün oter frais-ch compagn,
Chi ’laiv’avair a quella.
5 Qua s’ tret el aint ün vestmaint alb
Per ch’el paress il puotte,
Eir per podair ir aint dadaint
E vair la duonna tuotta.
E cur chi fuo allas desch not,
10 Schi clocca giò sün porta.
Il gentilom quel sta e disch:
Chi ais cugiò chi clocca?
Il gentilom quel sta e disch:
Chi ais cugiò chi clocca?
15 La gentilduonna sta e disch:
O, quai sarà il puotte.
Il gentilom quel sta e disch:
Taschai; laschà ’l passare.
La gentilduonna sta e disch:
20 It giò, laschà ’l gnir ainte.
Il gentilom eir’ün hom grit,
Battet sün sa signura:
Cur cha il hom ha da tschantschar,
La duonna dess taschaire.
25 La gentilduonna sta e disch;
Tü vainst a ’t inrüglare;
A mezzanot vainst a ’m tscherchar,
Ma mai plü a ’m chattare.
E cur chi fuo las dudesch not,
30 Il gentilom get a messa,
La gentilduonna s’ tret eir vi
Cul giuven da compagnia.
E cur chi fuo all’üna d’ not,
Cha’ l gentilom gnit da messa,
35 Get el tscherchand sia signura
E mai non la chattet.
Uoi, o famagls, ils meis famagls,
Stat sü, laschai sü ils chavagls,
Ch’ nus passan ir per munts e vals,
40 Tscherchand nossa nossa signura.
E vus fantschellas, mias fantschellas,
Stat sü, mettai sü eir las sellas,
Ch’ nus possan ir per munts e vals,
Tscherchand nossa signura.
45 Acquà rivetttan ün toc inavant
Vezzettan ün bel chastè,
E süsom da quel chastè
Vezzettan lur signura.
Uoi, o famagls, ils meis famagls
50 It sü e dit, ch’ella vegna.
Sch’ella non voul gnir in onur,
La resta in verguogna!