Ils teis bels ölgs nairs

Da Wikisource.
Jump to navigation Jump to search
romancio

Conradin de Flugi 1908 I Ils teis bels ölgs nairs Intestazione 22 febbraio 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Scarica in formato ePub Volkslieder 50%.svg  di Autori vari

79.

(Romanische Studien I, Flugi, p. 326 — 27.)

Ils teis bels ölgs nairs
Quels m' han fat inamurar,
Ta bocca cotschna, teis cour char,
Es quai chi' m fa impissar.
5 Ma perquai
Schi rov' a tai,
Cha t' impaissast dech sün mai;
Chara, bella creatüra!
Nun invlüdar a mai,
10 Ch' eu nun invlüd a tai.

Eu veng per tuot il muond intuorn
E tü restast aquâ,
Tü sast bain cha nus eschan
Tuots duos maridâ.
15 Ma par quai
Schi rov' a tai,
Tü t' impaissast dech sün mai;
Chara, bella creatüra!
Nun invlüdar a mai,
20 Ch' eu nun invlüd a tai.

Üngiün nu po ans separar
Auter co be la mort;
Las malas lenguas tschantschan bler,
Mo quai es noss cufort.
25 Ma per quai
Schi rov' a tai,
Cha t' impaissast dech sün mai;
Chara, bella creatüra!
Nun invlüdar a mai,
30 Ch' eu non invlüd a tai.