Santí ün po, santí ün po

Da Wikisource.
Jump to navigation Jump to search
romancio

Conradin de Flugi 1908 S Santí ün po, santí ün po Intestazione 22 febbraio 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Scarica in formato ePub Volkslieder 50%.svg  di Autori vari

80.

(Romanische Studien I, Flugi, p. 318 — 19.)

Santí ün po, santí ün po
Il cas dall' otra saira.
Cha sum ieu per tschantscher,
La mia bella per chatter,
5 Da senn ed eir pel vaira.
 
Mo las portas eiran
Fermamaing saredas;
Dhe pruô da las avrir,
Nun ho vulia que reuschir,
10 Cha d' eiran ferm schlöpedas.

Un otra streda, ün otra streda
He bain spert pigliô;
Aint da cuort cha sum entrô,
Spera l' üsch cha d' he taglô,
15 Spera l' üsch da stüva.

E luaint era, e luaint era
La mia chera bella,
Schanteda giò sün ün bainch,
Sias marus cul maun sül flainch
20 E discurind cun ella.

Ma pel discuors, ma pel discuors
Que nun vess fatt ünguotta;
Ma stand lò eir aunch ün po,
Spera l' üsch cha d' he taglô,
25 Schi s' aprosman lur buochias.

Bgeras gedas, bgeras gedas.
Ch' ella il bütschet:
O ma chera! cha la spetta,
Cha auncha qualchüns la detta
30 Ed ella consentiva.

Intaunt ch' eu staiva fich attent
Sulet cuour cul giat,
Dhe fat resolutium
E müdô opinium
35 Da la lascher daffat.