Chantè, chantè Lisetta

Da Wikisource.
Jump to navigation Jump to search
romancio

1908 Indice:Decurtins - Rätoromanische chrestomathie, IX.djvu Chantè, chantè Lisetta Intestazione 31 marzo 2021 75% Da definire

O juvna bella che stais qua Plaundscher stölg uossa ma dulur
Nuvola apps bookcase.svg Questo testo fa parte della raccolta Rätoromanische chrestomathie

Scarica in formato ePub Volkslieder 75%.svg  di Autori vari (1908)

[p. 170 modifica]

125.

(Annalas VII, Derin, p. 48/9.)

Chantè, chantè Lisetta
Chi es temp d’as maridar!

Na poss chantar ni rier
Cha meis cor es contuorblà.

5 Il meis spus es i alla guerra
In set ons ha’ l da tuornar;

Scha el tuorna o sch’el na tuorna
Il meis amà saimper sarà.

O scha eu savess la strada
10 Vuless ir al incuntrar!

[p. 171 modifica]


Dumandond e dumandond
La Lisetta l’ha inscuntrà.

Cur la fo a meza strada
Un bel juven ell’incuntret.

15 O dim, o dim bel juven
Da che varts cha tü vainsch tü?

Da las varts del S (?) Mark
Ingio il sulai ma na va jo.

O dim, o dim bel juven
20 Asch tü vis il meis amà?

O schi cha eu l’ha vis
Cun suspürs e gronds dolurs.

O dim, o dim bel juven
Vestimainta che veiv’el aint?

25 Vesti eir el da damasc
A l’üsanza del imperatur.

O dim, o dim bel juven
Cumpognia chi veiv’el la?

Eir da quatter matans
30 Pasigeva da sü e da jo.

Lisetta doda quist
E manca il pe et ella da jo.

Sta sü, sta sü Lisetta
Cha eu sun teis amatur.

35 Lisetta in pe stet
Seis amatur ell’abratschet.

Ach ve schi giains a chasa
Cha nos cors sun suleivgiats!

Cur chi fuon rivats suot tet
40 Tuot seis amis el abratschet.

O dim, o dim Lisetta
L’asch chattà il teis amatur?

O schi ch’eu ’l ha chattà
Cun suspürs e gronds dolurs!