O bun amih, cun te stögl dir

Da Wikisource.
Jump to navigation Jump to search
romancio

Andrea Vital 1908 O O bun amih, cun te stögl dir Intestazione 22 febbraio 2016 50% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Scarica in formato ePub Volkslieder 50%.svg  di Autori vari

82

. (Annalas XIV, Vital, p. 232 — 33.)

O bun amih, cun te stögl dir,
Ma bain zuond adascuse,
Co our da me as sto spartir
La mia chera marusa.
5 Eau tschert nun vess zuond brich pisso,
Ch' l' am 'vess zuond bod smancheda,
Taunta bunted, amur e fè
Sche bod am 'vess pajeda.
Cura cha stun a' m impisser
10 Taunta spartida amure,
Schi sto mieu cour tuot vi alguer
In larmas e dulure.
Tuot que cha lönch eau he bramo,
Con tuot art vögl avaire,
15 Co sun da que daffat privo,
Ün oter po 'l giodaire.
O cher' amur, co 'vais pudieu
Sche bod am smancher via,
Co per ün oter s' metter sü
20 Col bain, ch' eau 's 'laiva quia.
Co poss eau uossa pü dürer,
Co sto spartir mieu cour?
El sto schi tschert tuot vi alguer,
El sto da craper our.
25 Perche 'vais vulieu, o cher' amur,
Ün tel grand tuert am fer?
Perche mieu cour in taunta dolur
'Vais vulieu fer alguer?
Bain milli voutas 'vais vus vis
30 L' amur, cha eaus 's portaiva,
Ma vita e saung, cha eau 'vess miss
Per cha' s servir pudaiva.
Ma ah, eau tschert nun poss sperer
Vus dvaintas mê pü mia,
35 Que schi, que schi am fo alguer
Que am fo alguer via.
Addieu sto dir, ma cun tschantscher
Quaist pled am perd eau via,
Addieu, addieu, mê pü brancler
40 La spraunza, vita mia.
Vus dintaunt s' vögl giavüscher
Taunt bain, chi mê s' po dire;
Tuot que vos cour as do da crair
Dieu s' vöglia benedire.
45 Iz pür davent, vus mieu dalet,
Dieu s' vöglia cumpagner;
E me chi resta qui sulet
Dieu 'm vöglia cuffoter.
Scha nun he vus brich pudieu tour,
50 Schi taunt s' he stuvieu amer
Schi tschert ad oters il mieu cour
Eau mê nun poss pü der.
Dieu s' vaiv' ad oters ordino;
Eau poss brich contradire
55 A que cha Dieu ho decreto
El s' vöglia benedire.