O mamma chara, che mà dess eu far
 |
Questo testo è completo, ma ancora da rileggere. | |
| ◄ | Que eiran trais compagns con trais barettas cotschnas | O bab, o bab, o mieu cher bab! | ► |
Questo testo fa parte della raccolta Rätoromanische chrestomathie
Volkslieder 
di Autori vari (1908)
130.
(Annalas XIV, Vital, p. 273/4.)
„O mamma chara, che mà dess eu far?
La mia marusa ha usche grand mal?“
„Sast, meis figl, che tü dessast far!
Piglia sunaders e fa ’la sunar
5 Suot las sias fanestras,
Schi crai ’la, chi sia mats esters.“
„O mamma chara, chi ais cugiò chi suna,
Uoi, avair ch’eu ha usche grand mal.“
„Uoi, figlia chara, que saran mats esters,
10 Uoi, chi non san, cha tü hast usche mal.“
„O mamma chara, güdà ’m vi sun balcun,
E laschà ’m vair chi quels mats esters sun.“
Sa mamma chara sün balcun l’uzet,
Seis amur char ebbain ch’ella vezzet.
15 „O mamma chara, it oura e rivi la porta.“
E qua vezzenna, ch’ell’eira tuot smorta.
„O mamma chara, it giò per üna zena d’ vin,
Ed ün plattet da meis biscutins.“
La mamma chara get giò per üna zena d’ vin
20 Ed ella get via sün seis scrin.
„Uoi, il cromai, cha tü m’hast cromià,
Dieu saja lodà, ch’eu ha fingià portà.“
„Uoi, giunfra spusa, ch’ la non dia quai,
Ch’eu stun con spranza, ch’ella porta plü co quai!“
25 Sa mamma chara gnit sü con la zena d’ vin
E con il plattet da seis biscutins.
E s’impringiand chi s’impringiaivan,
Schi la giuvnetta da quist muond spassaiva.
Uoi, allas duos genna sün con ella
30 Ed allas trais turnenna giò per el.
Uoi, e sül tömbel da quella bella
Creschaiva ’na flur da chaminella,
Uoi, e sül tömbel da quel bel mat
Creschaiva ’na flur da nusch nus-chat.
35 Uoi, e pel bain, cha quels duos as ’laivan,
Schi quellas fluors insembel as plajaivan.