Nachträge

Da Wikisource.
Jump to navigation Jump to search
romancio

1901 N Indice:Decurtins - Rätoromanische chrestomathie, II.djvu Nachträge Intestazione 13 febbraio 2016 25% Da definire

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

Nuvola apps bookcase.svg Questo testo fa parte della raccolta Rätoromanische chrestomathie Vol. II

[p. 635 modifica]Märchen 1035 254. Ei enzitgi malseuns e san ils docters bucca giadar, sche dei ins schar vegnir ora in tschadun saun, ira tier in pegn, far ina rusna en quel e derscher il tschadun saun en quella rusna, ch' ins staupa si. Il malseun vegn lura ha vegnir sauns et il pegn vegn pirir vi.

NACHTRÄGE. …

Märchen.

104. Ils treis legns cun l' ossa.

Ei era ina gada in catschadur e quel era jus alla catscha de camutschs. Mo quei di era ei en tschaghera ed il catschadur ha sitau giu in auter catschadur, ch' el ha teniu per in camutsch. Il catschadur steva tribel mal; mo fatg ei fatg ed el saveva nuota midar.

En quella tiara commondava ina regina e quei era ina stria. La regina ha schau far ord il tgau dil catschadur, ch' era vegnius sitaus, in naschier, ord las combas in sessel e cul tgil in spieghel. Allura ha la regina schau clomar il catschadur, che haveva sitau giu lauter catschadur senza fraut ed ha mess avont ad el il naschier, il sessel ed il spieghel. „En in onn ed in di,“ ha la regina detg al catschadur: „stos ti saver dir, de tgei quei naschier, quei sessel e quei spieghel ein fatgs. Sas ti buca lignar, sche lasch jeu metter tei vid la fuortga. Sas ti lignar, sche vegn jeu vid la fuortga.“ Il catschadur ha mirau ditg sin il naschier, il sessel ed il spieghel; mo quei gidava buca bia; el podeva buca vegnir sisu, de tgei ei fussen fatgs.

Tut trests ha igl umm priu fest e fagott ed ei se mess sin via per mirar, tgi savess dir ad el, ord tgei il naschier, il sessel ed il spieghel fussen fatgs. Igl umm ei jus ditg pil mund entuorn; mo ni prers ni signurs havevan cussegl e remiedi per el ed in onn ed in di eran gleiti entuorn. Ina gada, ch' el mava tras in uaul, ha el viu ina terribla tauna. E perquei, ch' ei fagieva macort' aura, eis el jus en quella per haver suost. El ha entschiet ad ir della tauna giu ad en ed ei jus in toc el stgir, entochen ch' el ei vegnius tier ina gronda porta lenn. Sper quella era in tgaun ner, che durmeva. Igl umm ha aviert quella porta ed allura ha il stgir calau si ed el era el stgir e clar. La porta ei se sarada cun in plum ad el sils calcogns. Mo il catschadur ha nuota temiu ed ei jus in brav toc viaden. Allura eis el vegnius tier ina termenta porta de fier e sper quella era in tgaun ner, che durmeva.

-056[p. 636 modifica]catschadur ha aviert il righel della porta fier ed ei vegnius el clar. La porta ei puspei se sarada cun in plum ad el sils calcogns. Mo il catschadur era ussa disaus ed el ei jus francamein vinavont. Suenter ch' el era jus in grond tschancun, eis el arrivaus tier ina stupenta porta ded aur e sper quella era in tgaun ner, che durmeva. El ha aviert la porta ed ei vegnius el clar bi di. Era la porta d' aur ei se sarada cun iu in plum ad el sils calcogns. Il catschadur ei vegnius en ina gronda bialla salla e cheu fuva ina femna veglia, veglia. La veglia ha detg: „Jeu sai schon, tgei che ti lesses saver de mei; ti stos mo lignar, che ord il tgau digl umm, che ti has sitau giu, hagien ei fatg in naschier, ord las combas in sessel ed ord il tgil in spieghel.“ Il catschadur ha engrazian engraziau fetg alla veglia e quella ha detg: „Jeu stoi spert menar tei anavos, pertgei uss ein mes treis tgauns se destadai e quels magliassen tei, sch' jeu fuss buca cun tei.“ La veglia ei ida cun el anavos, e cura ch' ella ha aviert la porta de d' aur, er' il tgaun ner sedestadaus e fagieva ina teribla tschera, sco sch' el less morder; mo la veglia ha cuschentau il tgaun e quel ha schau ira els. Era ils auters dus tgauns eran buca bials schanis; mo la veglia ha cuschentau els e schau far els nuot agl umm. Il catschadur ha engrazian engraziau stagn e bein alla veglia ed ei lu jus spert a casa. El ei grad arrivaus, ch' igl onn ed il di eran entuorn ed ei era la regina e bia pievel sin il plaz, nua che la regina haveva pinau ina fuortga nova, per schar pender el. La regina mett' avon il naschier, il sessel ed il spieghel e damond' il catschadur, ord tgei quels seigien fatgs. Igl umm rispunda: „Il naschier ei fatgs ord il tgau, il sessel ord las combas ed il spieghel ord il tgil digl umm, ch' jeu hai sitau giu senza fraut“. La regina ha stuiu schar valer, ch' el hagi lignau endretg, ed ei han lu pendiu la regina vid la fuortga, ch' ella haveva pinau pigl umm. 105. Il spus ch' ei jus cun Niessegner. Ina gada er' ei nozzas a Vrin. La sera suenter tuccar d' Ave Maria ei il spus jus per envidar a tscheina siu padrin. E per ir pli alla quorta, eis el jus tras il santeri. Arrivaus a miez quel, ha el entupau in umm bein vestgiu. Quel ha domondau il spus, nua el mondi. „Jeu sun spus e mondel per envidar en il miu padrin a tscheina,“ ha el respondiu e dumendau igl jester: „Leis vus buca vegnir cun mei?“ „Bein,“ ha igl umm jester respondiu, „Mo lu stoveis Vus compognar anavos mei.“ Il spus ha empermess de far quei. El havev' uss emblidau siu padrin ed el ei turnaus cun igl jester tier ils nozzadurs ed igl jester era de buna veglia. Suenter tscheina ha igl umm voliu ir ed il spus ha compognau daven el. Els ein arrivai en santeri e cheu era ina gronda porta; quella

-057[p. 637 modifica]

Märchen 1037 ha igl jester aviert e domondau il spus, sch' el vegli vegnir cun el. Il spus ha detg, ch' el vegli schon vegnir ed els dus ein i d' in grond zuler en, entochen ch' els ein arrivai en ina bialla baselgia. Quella era plein candeilas, che ardevan. Traso vegnivan entginas stizzadas ed autras envidadas. Il spus ha domondau, tgiei quei monti. Igl jester ha detg, che mintga candeila vegli dir la veta d' in carstgaun e mintga gada, ch' ina candeila vegni envidada, neschi enzatgi e mintga gada, ch' ina vegni stizzada, mieri enzitgi. Il spus ha domondau de ver sia candeila ed igl jester ha mussau quella ad el. Ella era sin stizzar ora. Tumentaus ha il spus dumendau, de stgar turnar a casa, e quei ha igl jester bugient dau tier. Els ein ira d' in zuler ora; igl jester ha aviert la porta gronda fier ed il spus ei vegnius si el santeri. Ei era bi di; mo il santeri era buca sco avon. Il spus ha voliu ira en sia casa; mo quella era fatga giu e negin saveva zitgiei de quels, ch' eran stai leu. Il spus ei jus tiel farrer e quel ha mirau suenter els cudischs e saviu de dir d' in spus, che seigi jus a piarder avon tschien onns sil di de nozzas. L' autra damaun ei il spus, uss in umm fetg vegl, morts en casa parvenda. 106. Il padrin ed il figliol. Ei era ina gada in padrin beinston, che havev' in figliol fetg pauper e quel ha lu aunc pers ses gieniturs schon bauld. El ha priu il figliol tier el e tratg si el e cura ch' el ei staus gronds, sche ha el dau daners ad el ed ha detg, ch' el deigi ira ad enprender in mistregn, qual, ch' el vegli e sch' ei meunchi daners, sche detti el. Il figliol pren ils daners e va pli lunsch. Mo suenter treis jamnas tuorn' el tier il padrin anavos. Quel di: „Has schon empriu ora in mistregn?“ Il figliol di: „Jeu hai empriu d' engular, quei sai jeu ussa.“ „Mo eis in fin lader?“ damond' il padrin. Il figliol ha maniau bein. Ussa di il padrin: „Sche ti eis aschi fins, sche stos ti engular questa notg ord miu nuegl il pli bi cavagl e vegnir cun quel damaun tier mei.“ En quei nuegl eran sis bials cavals. Il padrin ha detg als fumegls, de ver quella notg bein adatg sin ils cavals, ei vegni laders ed ils fumegls han empermess de vigliar l' entira notg. Il figliol se trai en de femna veglia e va entuorn las diesch della sera si, mira digl esch dil nuegl en e vesa cheu ils ummens. El roga quels, ch' els dovessen schar vegnir en ina paupra femna veglia a cauld, ei seigi tont freid. Ils ummens han lubiu quei. Cu la veglia ei stada en nuegl, sche ha ella giu a mogna a mintgin in glasin vinars, ch' ei scauldi en. Tut ils fumegls han buiu in glasin per in ed lu entschiet a dormir, pertgei il vinars conteneva dierma. Il figliol ha lu saviu prender commodeivlamein il cavagl ord nuegl, el va en tiel padrin e di: „Bien di padrin, cheu veis

-058[p. 638 modifica]

1038 … Märchen vies cavagl.“ „Esser eis ti in fin coga!“ di il padrin; „mo questa notg stos ti prender ora sut il tgil de mei e mia dunna il batlini e lu aunc ord det alla dunna igl ani.“ „Sche ti sas far quei, eis ti veramein in fin lader.“ „Quei vi jeu schon far“ rispund' il figliol. El va a casa e fa in terment umm de strom e lez port' el entuorn mesa notg d' ina scala si, si per las finiastras dil padrin. Il padrin vesa quei e di si per la dunna: „Uss ei il cugliun cheu, a quel vi jeu dar batlini.“ El leva spert e dat in terment stausch a quei umm strom, se cartent de stuschar il figliol della scala giu. Quei umm strom ei ruclaus ed jus in toc della via vi. Denton ei il figliol se postaus si sper 'gl esch casa; pertgei el sminava, che siu padrin vessi scrupel, co ei massi cun il figliol, e vegnessi o, per mirar, nua ch' el seigi. Richtig, il padrin di si per la dunna vonzei: „Jeu stoi tonaton ira giu per mirar, tgei il figliol fa, sch' el ei aunc en vita, ne tgei.“ El leva e va giuado. Denton vegn il figliol en stiva, fa la vusch dil padrin e di si per la dunna: „Ti podesses aunc dar, avon ch' jeu vom, il batlini ed igl ani. Quei figliol ei ton in cugliun, ch' ins sa se fidar nuot ded el.“ La dunna, se cartent, ch' ei seigi siu umm, dat neu il batlini ed igl ani. Il figliol va giu ed il padrin vegn quort temps suenter en combra. La dunna damonda, tgei siu figliol fetschi. Igl umm di, el hagi viu nuot. Sin quei di la dunna: „Igl ani ed il batlini vens ti bein haver mess en truca, ch' el possi buca tier.“ Mo' gl umm voleva saver de quei nuot e per ussa ein il padrin sia dunna se fatgs en, ch' ei seigien cuglienai. L' autra damaun vegn il figlol cun igl ani ed il batlini ed il padrin ha stoviu confessar, ch' el hagi empriu il mistregn de lader en uorden. 107. Jl tup fegl. Ei era ina gada ina dunna, che haveva mo in fegl. Quei fegl ha la dunna termess a marcau per cumprar guilas de cuser. De vignir de marcau ei il buob suatius ad in umm, che mava cun in blach fein, ed el ha priu e catschau las guilas en quei blach, per buca piarder ellas aschi tgiunsch. Mo cura ch' els ein vegni a casa, anflav' il mat buca pli las guilas el fein ed el ha stoviu ira a casa sia senza las guilas. Tut trests ha el raquintau alla mumma, co ei seigi ju, e quella ha detg: „ti pos esser in toc tup, catschavas las guilas en la capiala, sche havesses ti uss' ellas.“ L' autra gada ha la mumma termess el a marcau, per cumprar in tarden. Il mat se regordava fetg bein tgei, che la mumma haveva detg, e suenter haver cumprau il tarden, ha el catschau quel en la capialla ed ei vegnius aschia cun quel a casa. Quella gada cartev' el de ver fatg endretg alla mumma. Mo la mumma ha sevilau e detg: „Schniap, che ti eis, in tarden catsch' ins

-059[p. 639 modifica]

Märchen 1039 buc en la capialla. Si dies duevas ti purtar el.“ „Mo sche l' autra gada vi jeu schon far meglier,“ ha il mat respondiu. L' auter marcau ha la mumma termess el per cumprar in bi piertg. Tut leds, de quella gada saver far endretg la commissiun, va il mat a marcau, cumpr' in bi piertg e porta lura quel en in sughet si dies tochen casa. Schon dalunsch vesa la mumma a vegnint siu perdert fegl cun il piertg strunglau si dies. Ella va encunter ad el e savilla tribel sur sia tupadat. „Quei ei la davosa gada, ch' jeu termettel tei a marcau,“ di la mumma, „sche ti sas buca s' enschignar pli perdert. Ligiavas il piertg en in sughet e runavas el suenter.“ Cura ch' ei gliei puspei stau marcau, ha il fegl rugau aschi ditg vid la mumma, ch' ella ha turnau a schar ira el. Quella gada dovev' el cumprar ina cazzetta. El ha maniau, d' esser fetg perderts, ha ligiau la cazzetta en in sughet e runau ella aschia tochen casa. Vegnent tier la mumma havev' el isau giu il funs della cazzetta e lezza ha fatg ina terribla sbarrada cun el. Da leu denvi ha la mumma buca schau ira pli il tapalori a marcau. 108. La feglia reuna. Dil temps, ch' ils affonts vegnevan quei, ch' ils gieniturs giavischavan, era ei ina mumma, che havev' ina feglia fetg malperderta. Vilada sur las cattavegnas della feglia ha la mumma detg: „Jeu lessel, che ti fusses ina reuna!“ ed enaquella ei la buoba stada ina reuna. La mumma haveva mo quella feglia ed era buca de trustiar pli, che quella era vegnida ina reuna. La mumma ei ida pertut entuorn tier prers e signurs; mo negin saveva gidar ella. Finalmein eis ella ida tier in capuciner e quel ha detg, sch' ella savessi rabitschar la reuna entochen tier igl altar, cura ch' el ditgi messa, sche vegli el turnar a far vegnir ella in carstgaun. La mumma ha ton ditg e ton liung se dau breigia, ch' ella ha rabitschau la reuna tier igl altar, cura ch' il capuciner legieva messa, ed en quei moment, cura ch' il capuciner ha giu finiu la messa, ei la buoba puspei stada in carstgaun sco avon. Sch' ella ei buca morta, viv' ella aunc. 109. La candeila. Ina gada era ei ina veglia tschocca, che magliava glieut. Quella haveva serau en in buob en nuegl de cauras e lev' engarschar quel, entochen ch' el vegniess grass. Mintga damaun, cura ch' ella schava ira las cauras, tuccava ella quellas si dies, ch' il buob sappi buca vegnir ora cramados sin ellas. Il buob ha ditg patertgau suenter, co el savessi mitschar, ed ina damaun eis el semess sut il venter della caura gronda e ha seteniu vid la palegna liunga. La veglia tschocca ha saviu strichar sil dies alla caura gronda, sco ella ha voliu, ella ha nuota encorschiu il buob ed ha schau ira la caura. La caura gronda ei curida egl uaul e leu ha il buob se fatgs 107: midau "lha" en "ha la"

-060[p. 640 modifica]

1040 Märchen libers ded ella ed ei lu fugius digl uaul en. El ei jus ditg e bein per igl uaul entuorn, entochen ch' ei gliei vegniu sera, ch' el era staunchels ed haveva fom. Cheu ves' el dalunsch ina clara biala glisch, ed el ei jus suenter quella. Il buob ha lu anflau ina termenta casa ed en quella treis femnas veglias, ch' eran vestgidas tutina. Quellas treis femnas veglias ha il buob rugau, ch' ei prendien el en survetsch, ed ellas han pladiu el. Las femnas han fatg bien cun el ed el ei staus leu plirs onns, entochen ch' el ei staus carschius si in bi giuven. Las treis veglias, che dormevan tuttas treis en in letg e magliavan ord in cup, mavan mintga notg giu en in grond tschaler, nua ch' ei era spir candeilas, che ardevan. Las veglias stizzavan e turnavan ad envidar si las candeilas. Il giuven, che stoveva purtar giu sulprins, ha ina gada catschau il stumbel d' ina candeila, ch' ardeva, en sac. Cura ch' il giuven ei staus si en sia combra, ha el priu ora la candeila e puspei envidau ella e la candeila ha dumendau: „Tgiei vul da mei?“ „Jeu lessel, che ti purtasses mei en il marcau en ina buna ustria e che ti mettesses a mi daners en sac.“ Sil zuc ei il giuven staus en ina stupenta ustria dil marcau ed el havev' ils sacs pleins daners. Puspei ha il giuven priu ora la candeila ed envidau quella. La candeila ha dumendau: „Tgei vul?“ „Fai ti, che la figlia dil retg vegni questa notg tier mei!“ ha il giuven respondiu. La candeila ha fatg, che la figlia dil retg ei vegnida lezza notg tier el. Cura ch' il retg ha udiu, che sia figlia seigi stada la notg giuado, ha el fatg ligiar biars canials de fil entuorn sia feglia, per mirar, nua ch' ella vegni vi la notg. La sera ha il giuven priu la candeila, envidau quella e detg: „Fai vegnir questa notg la figlia dil retg tier mei e fai ch' ils canials de fil surtrain 'gl entir marcau.“ La candeila ha fatg, sco il giuven ha voliu, la figlia dil retg ei vegnida la notg tier el e lautra damaun er' il marcau tut surtratgs cun fils, ch' il retg vegneva ne en, ne ora. Vilaus, ch' el era buca vegnius sisu, nua sia figlia vegni vi, lai il retg vegnir ensemen tut la glieut el marcau, sinaquei che la figlia sappi encurir ora quel, tier il qual ella stoppi ira la notg. Il giuven ei buca jus tier quella redunonza e cura che la figlia ha giu mirau stediamein entuorn, entuorn, ha ella detg a siu bab, ch' ella hagi buca cattau adagur il giuven, tier il qual ella stoppi ira la notg. Sinquei ha il retg schau clomar ora al pievel, sche tut seigi cheu. Sin quella visada ei 'gl ustier, nua ch' il giuven era, vegnius neunavont ed ha detg: „Jeu hai in gast, mo quel va mai giuadora e sa buca esser quel, che vus encuris.“ Il retg ha commondau agl ustier, de vignir cun siu gast ed il giuven ha stoviu vegnir cun igl ustier en la redunonza. Aschi gleiti sco la figlia dil retg ha viu el, ha ella clomau: „Grad quel eis ei, che nus encurin!“

-061[p. 641 modifica]

Märchen 1041 Plein fel lai il retg metter el en perschun e rentar en in ring de fier. Mo strusch era el en perschun e rentaus en il ring de fier, ha el envidau si la candeila e quella ha dumendau el: „Tgei vul?“ Il giuven ha detg: … „Jeu less, ch' jeu vegness libers dil ring e della perschun ed il retg vegness ligiaus en ligioms aschi stretgs, che nagin savess sligiar ora.“ Cheu ei il ring e la porta della perschun s' aviarts ed il giuven ha saviu turnar en sia ustria. Il retg ei aber vegnius ligiaus aschi stretg, ch' el podeva strusch trer flad. Cura ch' il retg ha udiu, ch' il giuven seigi vegnius liberaus ord la perschun e seigi puspei en l' ustria, ha el schau clomar el e detg al giuven: „Ti sas pli che magliar paun, sche ti libereschas mei dals ligioms, sche dun jeu a ti mia feglia.“ Il giuven ha detg, el vegli far quei ed ei turnaus en l' ustria. Leu ha el envidau si la candeila e detg: „Fai ch' il retg vegni libers dils ligioms e ch' jeu maridi sia figlia.“ Inmediat … ei il retg staus libers dils ligioms ed en paucs dis ha il giuven giu legras nozzas cun la figlia dil retg. La sera de sias nozzas ha el envidau si la candeila. Quella ha dumendau: „Tgei vul?“ „Di a nus, sche nus seigien ventireivels ne buc?“ ha el emprau la candeila. „Na quei esses buc,“ ha la candeila respondiu, „pertgei questa notg ein il sir e la sira sut letg en, per mazzar vus.“ Ussa mira il spus sut letg en e vesa cheu il retg e la regina. El pren spert il spadun, ch' era sin meisa, e taglia giu ad omisdus il tgau. Allura damond' el puspei la candeila: „Vegnin jeu e la spusa ad esser ventireivels?“ e quella rispunda: „Gie. Mo ussa pos ti schar ardar giu mei enzacu, jeu hai gie liberau a ti la veta.“ Il spus ha lu schau ardar giu la candeila quella notg. 110. Igl umm, che ha cuglienau il giavel. Ina gada era ei in pauper umm, che steva en sia stiva cun il tgau pusau els mauns. El havess duvrau per il ner basegns daners, saveva aber buca, co survegnir, ed el anflava negin remiedi. Cheu ha el patertgau, sch' il giavel vegness, savessi el se schar en cun lez. Igl umm ei aber vegnius tut bleichs, cura ch' igl esch ei s' aviarts e quel cun peis caura ei entraus. Il giavel haveva ina curteuna tgemblada cun marenghins entamaun ed ha detg: „Cheu dundel a ti tutt quels daners ad emprest. En in onn stos ti aber turnar anavos la curteuna strecha, aschglioc eis ti mes. Quels, ch' ein tgemblai, laschel a ti per schengetg.“ Igl umm ha dumendau, sch' el astgassi buca turnar la curteuna marenghins, avon ch' ei seigi o igl onn. Il giavel ha rispondiu, el sappi turnar, cura ch' el vegli. Sin quei ha 'gl umm priu la curteuna marenghins, strichau giu il tgiembel e turnau la curtauna marenghins al giavel culs plaids: „Jeu vi grad turnar ussa.“ Romanische Forschungen XI. 3. 66

-062-

1042 Märchen Il [p. 642 modifica]giavel ha stoviu ira giuadora tut murtiraus, ed ha murmigniau: „Ina autra gada stos ti esser pli mals.“ Igl umm ha aber saviu salvar in bufatg migliac marenghins. Praula, praula, giacamaula, Sche ti vul bucca crer, Sche va giun streglia E lai tigliar giu in' ureglia; Meta sin in pal E lai tochen nadal, Sche vegnies Ti ord marveglias. 111. Ils treis legns. Dal temps tils tirrans habitav' in de quels demaneivel d' ina claustra e quel duvrava tuts ranpins, per metter sutsura ella. In di mav' el en tier la claustra ed entaupa igl avat, che mava a spass sut la claustra giu. A quel di il tirran, sch' ell sappi buca rispunder suenter treis dis ils treis legns, ch' el detti si, catschi el el e tuts ils paders ord la claustra. El stoppi saver lignar, cons fegls seigien sin quei fraissen grond sper la claustra, con aults ch' il lac de Laus seigi, e contas steilas ch' ei seigi en tschiel. Sinquei ei il tirran jus navent tut rubiestiamein ed igl avat tuorna trests en claustra. Leu ha el raqiuntau raquintau tut als paders e quels ein era vegni trists, pertgei negin saveva, co rispunder sin quellas damondas. Il purtger ha s' encorschiu, ch' ei eran tut trists, ed el empiar' igl avat, tgei seigi schabiau, ch' ei laschien pender il tgau e tschontschien schi pauc. Igl avat rispunda, quei vomi buca tier ad el, el sappi tonatont buca gidar els. Mo il purtger ha fatg pli not, el sappi forsa tonaton dar in bien cussegl e gidar el. Sinquei ha 'gl avat raquintau la caussa liung e lad al purtger. Sch' ei seigi mo quei, sche quei sappi el schon rispunder, ha il purtger maniau. Aber 'gl avat stoppi dar sia rassa, per schar tschintschar cul castellan. Igl avat ei staus fetg leds de quei ed el ed ils paders ein stai contents, ch' il purtger tilli en la rassa. Il tierz di vegn il tirran ed il purtger va encunter ad el cun la rassa d' avat. Rubiestiamein empiar' il tirran, sch' el vegli rispunder ses legns e lauter di frestgamein: „Gie.“ Lura di il tirran: „Sche cons fegls ha quei fraissen si?“ „Ual tonts sco fustitgs,“ rispund' il purtger. „E con aults ei il lac de Laus?“ damond' il tirran vinavont. „Grad aschi aults, sco quei ch' in crapp po i giu funs,“ ei stau la risposta. „E contas steilas eis ei en tschiel?“ damonda per la davosa il tirran. „Tontas sco sablun el Rhein,“ rispund' il purtger. „Bien,“ di il casttellan, che ha encorschiu, che quei era buc 'gl avat d' avon, „ti has detg endretg e perquei doveis ti esser avat da cheudenvi enstagl quel d' avon.“

-063[p. 643 modifica]

Märchen 1043 112. La biala dunna loscha. Ei era ina gada ina dunna giuvna, la qualla era fetg biala e fetg loscha. Ella temeva de vegnir macorta cun survegnir affonts. Perquei eis ella ida tier ina femna veglia, ina de pigiels, ed ha rugau quella veglia, ch' ella vegli far, ch' ella resti adina biala. La veglia ha detg, sch' ella seigi contenza de buca survegnir affonts, sche vegli ella schon far, ch' ella resti adina biala. Allura ha la veglia priu treis cafes e mulau quels in ad in en in mulin alla moda veglia. Mintga gada, ch' ella mulava in cafe, ha ei dau si in bratg. La purla mulada ha la veglia mess sut ina schlond' en sut il lidimer. Ella ha scummendau alla dunna de mirar sut la schlonda, avon ch' ei seigi passau trent' onns. La giuvna dunna ei adina restada biala, d' ina colur sco vin e latg; mo buca ventireivla. Il di, cura ch' ils trent' onns ein stai vergai, eis ella cun l' alva della damaun ida ed ha mirau, tgei seigi sut la schlond' en. Cheu ha ella viu treis rustgs, in cun capetsch de prer, in cun capetsch de muniessa ed in cun la gnievla d' uestg. La dunna ha viu, che sch' ils treis affonts, che la stria ha giu mazzau, fussen naschi, fuss in vegnius prer, ina muniessa ed in uestg ed ella ei en pauc temps morta della malenconia. 113. La buoba ed il morder grond. Ina dunna giuvna er' ina gada avon ina casa, nua ch' ei havevan biala stiva ed ella fuss era ida bugient si ad en per saltar, sch' ella havess buca giu in affon sin bratsch. Tut en ina gada stat avon ella in signur en verd e quel ha se porschiu de tener 'gl affon, denton ch' ella saulti. La mumma ha dau il popp agl jester, ei ida si ad en ed ha saltau ditg e bein. Vegnend ord casa voleva ella prender ord da maun il popp al signur. Mo il signur cun il il pign era stulius. En anguoscha ei la mumma ida a casa ed ha raquintau als ses, co ei seigi ju. Tuts eran grondamein contristai. Principalmein la sora voleva buca se schar consolar. Bargient di ella encunter la mumma: „Jeu vom ad encurir miu frar e tuornel buc, avon ch' jeu hai anflau el, sch' jeu stovess ira giu egl uffiern.“ Ella ei ida e vegnida tier ina caplutta. En quella caplutta ha ella detg ditg paternos, che Dieus laschi puspei anflar siu frar. Avon la caplutta ha la buoba viu in umm vegl, che ha dumendau ella, nua ella mondi. La buoba ha raquintau, co il pign seigi vegnius naven e co ella vomi per encurir quel. Cura ch' igl umm vegl ha giu udiu tut, ha el detg: „En quella caplutta ei in fest coller; quel pren ti, e nua ch' il fest va, va ti suenter.“ La buoba ei turnada en la caplutta, ha anflau il fest, ed ei da leudenvi ida, nua che quel manava ella. 66*

-064-

1044 Märchen Suenter [p. 644 modifica]in viadi per liungas vias ei la giuvna vegnida en in stgir uaul. Cheu era ei in eremit, che manava veta sontga. Quel ha la buoba dumendau, sch' el savessi era dar novas de siu frar. Igl eremit ha respondiu, quei sappi el buc; mo el hagi in etg en ina scatla, cun quel deigi ella ira tier il morder grond. Quel hagi in affon, il qual seigi schon dapli biars onns en letg malseuns. Mo entras igl etg en la scatla sappi ella medegar igl affon e lu vegni il morder a far nuot dil mal ad ella. Lez sappi forsa dar novas de siu frar. La matta ha continuau siu viadi ed ei arrivada tier ina hetta. En quella era negin auter ch' ina dunna, che steva sper il letg d' in affon malsaun. La dunna ha fatg beinvegni alla matta, mo bein spert detg: „Va po naven bein dabot, mia buna giuvna, pertgiei ti eis gartiada en la casa d' in grond morder. Quel ei grad jus en igl uaul per in buordi lenna. Mo sche el tuorna ed anfla tei cheu, lu fa el flucs cun tei.“ La matta ha detg, ella lessi aunc bugient medegar quei pauper affon malsaun avon ch' ira. Ella pren ora igl etg e strusch ha ella giu tuccau en 'gl affon cun quel, sch' ei igl affon levaus si e curius entuorn. La mumma fuva tut ord seseza della legria ed ella ha commondau al figl d' ira encunter al bab e de rugar quel, de far bien cun la matta, che hagi medegau el. Cura ch' il morder grond ha viu siu affon sauns e frestgs, ha el se smervegliau zun fetg e dumendau, tgi hagi medegau el. Il buob ha raquintau, co ei seigi ju e mess vitier: „Neve bab, ti fas bien cun la matta?“ Cura ch' il morder grond ei vegnius a casa, ha la matta emprau el, sch' el sappi buca, schei seigi in affon giu 'gl uffiern. Il morder ha respondiu, el mondi mintga di giu 'gl uffiern, leu seigi in affon, sch' ella vegli mirar quel, deigi ella mo suondar el. En in hoi ein els omisdus stai avon las portas digl uffiern. Sin lur spluntar compara in terribel matgiert giavel. La mattatscha ha domondau quei giavel, sch' ei seigi buc in affon en igl uffiern. Il demuni rispunda: „Bein, cheu eis ei in affon, mo quel survegnas ti buc“ e lu ha el dau iu in sbatt agl esch. Els han spluntau la secunda gada e lu eis ei vegniu neutier aunc in bia pli matgiert giavel. Mo era quel ha dau in sbatt agl esch, schi gleiti sco els ha domondau suenter igl affon. Spluntont la tiarza gada ha in giavel, ch' era aunc bia pli macorts ch' ils dus auters, aviert la porta. Quel ha la mattatscha dumendau, tgiei ins stuessi far, per spindrar quei affont ord igl uffiern. „Quel survegns ti mo cun menar siat onns veta sontga, senza plidar in solet plaid.“ Il morder grond, che haveva se fatg nonveseivels, ha commondau alla mattatscha, de dumendar il giavel, sch' ei seigi era speronza, ch' il morder grond possi vegnir salvs. Sin quei ha il giavel mussau in sgarscheivel fuorn de fiuc ed ha detg: „Quel ei semptgaus per il morder grond.“

-065-

Märchen 1045 Denton [p. 645 modifica]possi lez aunc far in' emprova e catschar in fist sec el terratsch. Sche quel porti feglia e flurs de miez unviern, vegni il morder grond a vegnir salvs. Sinquei ein il morder grond e la mattatscha i naven digl uffiern ed arrivai en in stgir uaul, nua ch' ei era terribel grondas cuschas. Fetgont siu fest coller sper ina cuscha, di il morder grond alla mattatscha: … „Jeu vegnel a menar cheu en quei liug vita sontga e roghel tei de vegnir suenter ils siat onns, per mirar sch' il fest flurescha.“ La mattatscha ei ida vinavon egl uaul ed ha menau siat onns e siat dis vita sontga. Vergai ils siat onns e siat dis, vegn tut en inagada in bi giuven tier ella e di: „Cara sora, ti has spindrau mei ord igl uffiern, jeu sundel il popp, che la mumma veva dau al giavel de tener sin bratsch.“ Allura ei la sora cun il frar i per mirar, co ei mondi cun il morder grond. Ei era miez unviern ed els dus han ditg stoviu far via tras la neiv. Il fest, ch' il morder grond haveva catschau en, purtava bialas flurs cotschnas ed alvas, il morder sez aber steva cul tgau encunter la cuscha ed era morts. Il frar e la sora han dau part agl uestg de quella tiarra della miracla e lez ei jus cun crusch e cafanun per la bara dil sogn eremit e fetg bia glieut ein i suenter bara. Igl eremit, che haveva dau igl etg per medegar il buob, er' in frar dil morder grond. Tier el vegneva mintga di in aunghel. Mo il di della mort dil morder grond er' igl aunghel buca comparius e vulent igl eremit saver la raschun, pertgiei el hagi muncau quei di, ha igl aunghel detg, el hagi stoviu compagnar en tschiel l' olma de siu frar cun biars auters aunghels. Igl eremit ha lura dumendau igl aunghel, cons vegnien a compigniar … la sia olma. „Mo ieu,“ rispund' igl aunghel, „pertgiei ti eis staus memia loschs.“ 114. Niessegner e las grazias. Ina gada era Niessegner vegnius giu sin tiara per parter ora als carstgauns enqual grazia. El mava dil lanstross ora ed entaupa in spiritual. A quel ha il Segner detg, el sappi giavischar, tgei ch' el vegli, quei vegli el dar ad el. Il spiritual rispunda bein spert: „Bien e biala veta.“ „Sche quei sas ti ver,“ di il Segner e va vinavont. Suenter entaup' el in capuziner e damonda quel, tgei ch' el giavischassi; quei vegl' el dar ad el. Il capuciner rispunda: „Bien e biala veta.“ „Quei sai jeu buca dar, quei hai jeu schon dau ad in auter,“ remarca il Segner. „Mo pazienzia,“ di il capuciner sin quei. „Sche quei sas ti ver,“ di il Segner e va puspei vinavont. Suenter in guot entaupa Niessegner in pur. Era quel empiara Niessegner, tgei el lessi, ch' el dessi. Il pur giavischa: „Bien e biala veta!“ Il Segner di: „Quei sai jeu buca dar, quei hai jeu schon stoviu dar al prer.“ „Lavurs,“ clom' il pur si. „Sche quei deigies ti ver,“ di il Segner e va vinavont. Alla

-066[p. 646 modifica]

1046 Märchen fin entaupa Niessegner ina femna. Era quella damond' il Segner, tgei ella desiderassi, ch' el dessi ad ella? „Bien e biala veta,“ leva la femna. Mo il Segner ha stoviu rispunder, quei sappi el buca dar. „Ach miarda,“ di la femna tut malidia. „Sche quei deigis ti ver,“ di il Segner, ed omisdus van per lur vias. 115. Il spus miert. Ei era ina gada in giuncher, che leva maridar ina paupra matta; mo ils ses gieniturs levan buca schar maridar el quella paupra e dustavan, tgiei ch' ei podevan. Il giuven ha s' empermess cun la giuvna, ha dau ad ella ina dubla sin la letg e detg, el vegni tal - a - tal di per ella e meini ella a casa sia, nua ch' ei fetschien nozzas. Ils ses gieniturs han aber fatg ton mitgiert cun il giuven, ch' el ei morts della malenconia. Mo la spusa saveva nuot, ch' el fuss morts. La sera dil di, ch' el veva empermess, ei il spus vegnius a cavagl cun manti si avon la casa della spusa. El ha clomau ella ord casa e detg, ella deigi se metter sin cavagl cun el. Il spus ha domondau la spusa, sch' ella temi buc. „Jeu temel buc, cu jeu sun cun tei,“ ha la spusa respondiu. Il spus ha lura scurentau il cavagl el sonteri dil vitg, nua ch' el era, ei seglius giu en ina fossa aviarta ed ha voliu trer giu en quella il cavagl e la spusa. La spusa ha aber tschintschau cul cavagl e podiu fermar quel. Enaquella ha ei tuccau de stizzar ed il spus ei svanius en la fossa. La matta ha priu il cavagl, ei ida avon la casa dil spus ed ha laventau si ils ses gieniturs. Quels ein stai surstai e cura che la matta ha raquintau, co il spus seigi vegnius per ella e co el levi trer ella en la fossa, ein ei vegni tribel tementai. Els ein i cun la matta en sonteri ed han anflau la fossa dil figl aviarta. Suenter haver curclau giu la fossa cun terratsch, han ei fatg vegnir la matta a casa e detg ad ella, ella sappi viver da cheudenvi de signura cun els. La matta ei da leu daven stada sc' ina signura en lur casa, ella bueva vin e magliava paun alv. 116. Las tschereschas neras. In bab haveva treis figls. Quels eran gronds e bials giuvens. Dus eran loschs e maltschecs cun autra glieut, il giuven era buns e pulits cun tutta glieut. En quella tiara era in retg, che haveva ina soleta figlia. Quella ei vegnida grevamein malsauna. Il docter ha declarau, la figlia sappi mo lu vegnir sauna, sch' ella magli tschereschas neras. Ed il retg ha empermess la figlia a tgi, che porti tschereschas neras. Il bab cun ils treis figls haveva in tscharscher, che portava tschereschas neras da miez unviern. Il bab pren giu ina canistralla de quellas tschereschas e dat ellas al figl vegl, ch' el porti ellas al retg sco medischina per sia figlia. Il giuven ha priu las

-067-

Märchen 1047 tschereschas [p. 647 modifica]ed ei jus tier il casti dil retg. Sin via eis el vegnius sper ina fontauna, sper la qualla in umm vegl seseva. Quel damonda, tgei el ch' el hagi en la canistralla. „Tgatlaunas caura,“ dat il losch giuven per risposta. Arrivaus tier il casti dil retg ha la guardia domondau, tgei ch' el vegli. Cura ch' il giuven ha respondiu, ch' el vegli portar ina canistralla … tschereschas neras al retg, han ei menau en el tier quel. Mo cura ch' il giuven ha voliu metter ora las tschereschas, eran quellas se midadas en tgatlaunas caura. Il retg era vilaus sur la beffa fatga ad el ed el ha schau bastunar il giuven aschi de miervi, che quel ha strusch podiu turnar a casa. Sinquei ha il bab puspei encuretg ina canistralla tschereschas e dau quella al figl masaun per portar al retg. Era quel ei jus la medema via sco siu frar ed ei era arrivaus sper la fontauna. Igl umm vegl, che seseva sper quella, ha domondau: „Tgei portas en quella canistralla?“ „Striegn piertg,“ ha il figl masaun repondiu rubiestiamein. Cura ch' el ei vegnius tier il casti dil retg, ha la guardia buca voliu menar il giuven avon il retg. Sin ditg tulenar han ei finalmein menau si il giuven tier il retg. Sin camond dil retg dovev' il giuven derscher ora las tschereschas en ina scadialla d' aur; mo enstagl tschereschas neras, eis ei vegniu ora striegn piertg, che la scadialla d' aur era tertigniada miserablamein. Quella gada era il retg aunc pli vilaus, che tschella gada, ed il frar masaun ha aunc survegniu pli bia fridas, ch' il vegl. Mo cun tema ha il bab confidau la tiarza canistralla tschereschas al figl giuven per medegar la princessa. Era il figl giuven arriva tier la fontauna. Il vegl damonda era el, tgei el hagi en la canistralla „Tschereschas neras,“ rispund' il giuven, ed ha amogna al vegl, sch' el vegli schigiar quellas. Il vegl ha giu plascher giud tala cortesia e di al giuven: … … „Jeu vi dar a ti treis cussegls e sche ti suondas quels, va ei bein cun tei! Sche ti vesas de quels, ch' endiran fom, sche dai de magliar ad els, sche ti vesas de quels, ch' endiran seit, sche lai beiber els, e sche ti vesas de quels, che se dattan, sche metta perina els.“ Il giuven engrazia per ils cussegls e va vinavon per sia via. Sin via vegn el en in uaul ed afla in formicler, nua che las formiclas havevan nuot de magliar. Spert bett' el vi in pugn plein miulas de paun, ch' el veva en sac, allas formiclas e dosta aschia la fom a quellas. Allura va el vinavon e vegn tier in lac. El anfla sper quel in pesch, che stoveva pirir della seit e metta lez puspei en l' aua. Mont vinavont, vegn el en in plaun enamiez il qual in giavel ed in aunghel se devan, tut che deva fiuc. Il giuven va vitier e metta perina il giavel ed igl aunghel, che mintgin ei jus per sias vias. Arrivaus tier il casti dil retg, ha la guardia buca voliu schar intrar el en il casti. Ei seigi schon staus dus schlampers, che hagien

-068[p. 648 modifica]

1048 Scherzhafte Märchenanfänge cuglienau il retg. Mo il giuven ha mussau sias tschereschas neras e sinquei ha la guardia menau si el tier il retg. El ha stoviu derscher ora las tschereschas en la scadialla d' aur e schi spert, sco la figlia dil retg ha giu magliau quellas, eis ella stada sauna. Mo il retg leva nuota dar la figlia ad el, sco el haveva empermess. Il contrari, ha il retg domondau dal giuven, ch' el enqueri ora enteifer treis uras ina curtauna segal ed ina curtauna dumiec, ch' eran bessas ensemen. Il giuven ei jus tier il formicler ed ha leu derschiu ora il graun allas formiclas cun rugar quellas de zavrar il dumiec dal segal. Inmediat han las formiclas giu fatg quei e sin l' ura fixada ha il giuven purtau al retg il segal ed il dumiec. Denton volev' il retg buca schar maridar sia feglia cun il giuven ed el ha dau si al giuven la secunda lavur, ch' el stoveva far, avon che survegnir la figlia, numnadamein encurir in ani, che la princessa haveva avon dis ed onns schau dar el lag. Mo il giuven ei jus tier il lac et ha clomau ora il pesch, ch' el haveva deliberau. Quel ha el rugau, d' encurir el lac 'gl ani, che la princessa haveva piars. Il pesch ei jus giu a funs ed en quort temps turnaus cun igl ani en buca, ch' il giuven ha saviu turnar al retg. Mo il retg era aunc buca contens ed ha dau si al giuven la tiarza pli greva lavur. Il giuven deigi purtar al retg la pli biala flur dil parvis ed il pli cauld fiuc digl unfiern. Il giuven ei jus d' in quolm si tras neivs e glatscha, entochen ch' el ei arrivaus en il parvis. Leu ha el anflau igl aunghel, ch' el haveva mess perina cun il giavel, e lez ha rut giu per el la pli biala flur dil parvis. Allura eis el jus giu lunsch, lunsch tras in uaul stgir, entochen ch' el ei arrivaus egl unfiern. Il giavel, ch' el haveva mess perina cun igl aunghel, ha hau dau ad el in tizun cun il pli cauld fiuc digl unfiern. La flur ed il tizun ha el portau al retg e lez ha lu buca astgau snegar pli la figlia al giuven. Scherzhafte Märchenanfänge. 1. Ei era in eremit en ina zella. 2. Giu sontgia Gada era ei ina gaglina gaglia, che haveva ina stria ferdaglia. 3. Ei era in umm ed ina dunna, che mavan entuorn clavau, vevan si in capetsch blau e fagievan miau, miau! 4. Ina gada era ei in umm vegl, vegl, che havev' in plugl en in egl. 5. Quei ei la historia dil Signur Intent; ella quoza mo pauc temps, mo maina cala si. Dei risdar, ni dei di? Gie, mo va vinavont!

-069[p. 649 modifica]

Sagen 1049 Ins di buc aschia, pertgei quei ei la historia dil signur Intent, che quoza pauc temps, mo maina cala si. 6. Ina gada era ei in nurser, che veva ina gronda, gronda montanera e stoveva ira sur ina liunga, liunga pun vi. Ussa ha el grad ded ira sur la pun vi e lu — — — lu, o, nus stuein spetgar, entochen ch' el ei vi. Sagen. 72. Las treis filieras sil crest Peinzas. Sil crest Peinzas eran treis giuvnas, che filavan, ina schuengia, l' autra glin, l' autra coniv. In cavrer ei jus ina gada speras vi ed ha viu, ch' ellas filavan. Ellas empiaran el, nua ch' el mondi. El di, el mondi ad encurir sias cauras. Ina dellas giuvnas di sin quei: „Treis ein pigiuradas sin l' ossa.“ L' autra di: „Vegn ein davos la Buora,“ e la tiarza di: „Las autras vegnan tuttas de sesezas.“ Il cavrer ei jus vinavont ed ha anflau, sco ellas havevan detg. Treis cauras havev' igl uors magliau e schau anavos mo l' ossa, vegn eran en davos la Buora e las autras ein turnadas de sesezzas tier il cavrer. 73. La Metta de fein. La metta de fein ei ina femna veglia, nera e macorta, che se zuppa el fein. Als affonts, che van el fein, taglia ella giu las combas cun sia faulsch. Ins encorscha aunc enqualgadas la spida, ch' ella bett' ora sil fein. 74. Il bov ner. En ina alp de Tujetsch eis ei vegniu ina notg in bov ner, che ha siglientau tuts ils stiarls de moda, ch' ei ruclavan in sur lauter en stavel. Cura ch' ils pasturs han udiu la ramur, ein ei segli ord tegia et han clomau il sogn num de Diu. Sil fletg ei il bov stulius ed ils stiarls ein stai eri. 75. Ils ummens, che devan hartas. In de Peiden midava nuegl. El ei vegnius sil Crapp ault ed ella Vall dadora ha el viu ina meisada ummens, che devan hartas. Quels ummens, che giugavan, han clomau neutier el e domendau, sch' el vegli buca schar scriver en en lur societat. Igl umm ha buca se schau scriver en; el ha aber enconoschiu tuts quels, ch' eran leu, mo el ha mai detg ora, tgi ch' ei gliei stau. 76. Igl umm grond. In mat de Bugniai haveva ina muronza a Rueras e voleva ira tier quella a matteuns. Staus vergaus Camischollas ves' el in hazer umm mont

-070[p. 650 modifica]

1050 Sagen ordavont ad el. Per vegnir sisu, tgieinin che quei seigi, eis el jus pli dabot; mo ei fuva buca pusseivel de sattiuer il schani. Ei fuva ina stgiraglia, ch' el veseva buca tec, nua ch' el mava; mo veseva el adina avon el igl umm. Suenter esser jus pliras uras, senz' esser arrivaus a Rueras, vegn ei ad el endament, de trer ora ils calzers e midar giu quels. Strusch ha el giu fatg quei, sche ha el viu, ch' el fuva ora sum in precipeci ed havess el fatg mo in pass pli, fuss el jus surengiu. 77. Las Tschalareras, che catschan ils thiers el malsegir. Ina sera de stad, duront ch' ils pasturs tschenavan, levan ils thiers en stavel anetgamein si e fuian, sco sch' els isassan sil pli fetg. Las Tschalareras, che vegnevan a bratsch, catschavan els tut empaglia. In grond stierl grisch segl' igl emprim sur in grepp giu ed ils auters suenter. Ils pasturs astgavan buc ira suenter per tema de se surdar, pertgei ei fuva denton vegniu stgir. L' autra damaun eran aber tuts ils thiers puspei en stavel. 78. Las Tschalareras en l' alp de Plattas. Las Tschalareras havevan ina gada priu il muvel della alp de Plattas, e catschau las vaccas tuttas ensemen tras in stretg e malurdau trutg, nua che las vaccas savevan schiglioc mo ira ina suenter lautra. La fumeglia ha pegliau ina snueivla tema, mo lauter di eran las vaccas puspei tuttas en stavel. 79. La Las Tschalareras de Segnias. Denter la vall Segnias e Mompe - Tujetsch observava ins pli da vegl entiras roschas Tschalareras. Quellas fuvan beinduras vestgidas sco dunschallas finas e bialas e cantavan. Beinduras eran ellas penderlidas, sgargnevan e disturbavan il ruaus della notg. Ellas fuvan della glieut fetg tumidas, schegie ch' ellas podevan atgnamein far negin donn, priu ora sch' ensatgi havess schau in affon en clavau en iral. Sin quei fuvan ellas adina laghiadas e mavan entiras roschas ensemen tut a bratsch pils clavaus entuorn. Anflavan ellas in affon en iral, sche mavan ellas cun el, ch' in mai anflava pli. Metteva ins aber ils affons sin in ladretsch, lura havevan ellas negina pussonza. Era dado la vall sogn Placi sper Faltscharidas udevan e vesevan ei enqualgadas enqual caussa della Tschalareras. 80. Les Las Tschalareras a Faltscharidas. Igl onn dils Franzos, il temps de stad fuvan in di duas femnas de Faltscharidas stadas gl' entir di vi sontga Gada a luvrar. Per denter stgir e clar ein ellas vegnidas a casa per mulscher las tgauras. Endadens Sogn

-071[p. 651 modifica]

Sagen 1051 Placi, mont ellas sper ina caglia ora, seglia in stermentus giat ner ord quella e suonda las duas femnas quasi tochen tier lur casa. Mont ellas sur in dutg vi, ei il giat buca jus pli lunsch, sonder daus suenter quei dutg si. Suenter ch' ellas han giu mulschiu lur tgauras, ein ellas idas en casa e serau igl esch. Ellas han lura fatg cazola et entschiet a dir rosari. … Tuteninagada audan ellas ina gronda canera sur lur casa si. Igl esch casa se sarva cun ina tribla scadanada. La canera vegneva pli e pli datier. Ellas udevan a scalinar, cornar, sunar e saltar. Plein tema cuchegian … las duas femnas da fanestra ora e vesan ina entira societad de Tschalareras, che fagievan il barlot. 81. Las Tschalareras de Sontget. Las Tschalareras de sontget mavan en processiun las quattertembras daven il tuccar d' Ave Maria entochen il tuccar de stizzar. Ellas erian vestgidas en tgietschen e verd e fagievan ina canera, sco cura ch' ins va culs muvels ad alp. Ellas vegnievan della Vall mala giu mavien ora sogn Placi, da Murins giu e turnavian enten Plaun de Haida, allura traversavan ellas la Pun de Plaun grond, mavan tras Patschadauns sin la Bova gronda e grevan aunc lura, ch' ins udeva neu Sontget. Tgi che haveva la gagliardia de mirar suenter ord da finiastra, vegneva cargaus pils cavels e traitgs el Rhein, nua ch' el stoveva star entochen ch' ei tuccava de stizzar. 82. Il tueit e la dieulda. Sin l' alp de Nadels han quels ded alp cussegliau ad in tueit, ch' era denter els, el deigi se pinar cun in fusser giu en la Paliu; el possi forsa tier ina dieulda. Quei ha il pauper toc fatg. El ha podiu tier ina dieulda ed ei vegnius cun quella si dies a casa. Sco ch' ils fumelgs han giu plazzau giu quella en tegia, eis ella ida sut la furnaischa en e nagin havess pli risau ora ella; pertgei fein e fiuc ein gidonters de tuttas dieuldas. 83. Il puoz de Grun. In di mav' il buob dell' alp Tegia - dadens sper il puoz de Grun ora. Ei sgurghigliava e fagieva canera el puoz. Il buob ha pegliau tema ed ha entschiet a dir paternos. Cheu ei il puoz puspei vegnius quiets. 84. Il lac de Laus. De bi clar di mava in spiritual sper il lac de Laus ora. Cheu ha el udiu clamar e lamentar ord il lac. El ei jus vitier ed ha mirau entuorn, … sch' el veses enzatgei; mo el ha viu nuot ed il plonscher ord il lac cuzava vinavont. Cheu eis el se fatgs en, ch' ei savessi esser olmas ed el ha entschiet a dir paternos ed inmediat ha ei calau de plonscher el lac.

-072[p. 652 modifica]

1052 Sagen 85. L' jarva de sontga Margriatha. Sontga Margriatha ei stada ad alp quendisch dis meins che siat stads e zwar zezen. Negin, che saveva, ch' ella fuss ina femna. In gi va ella dil stavel giu, scarpetscha en in crapp e dat en venter. Enaquella ha il paster cattau dagur siu bi bistuoc tgietschen e leva dir al signun, ch' il zezen fussi ina femna. Sontga Margriatha aber roga de buca voler gir ora ed empermetta de dar ad el in mulin, che moli il di segal e la notg salin senza mai metter si buc in granin. Mo il paster vul nuota saver de quei e fa vinavont smanatschas de gir al signun, quei ch' el veva viu. Ussa empermetta sontga Margriatha de dar ad el ina camischa, che resti adina alva, pli ch' in scarvuni ella e pli alva ch' ella vegni. Mo tut adumbatten, … il paster leva a dispett gir ora. Sinquei empermetta sontga Margriatha … de dar ad el, sch' el queschi, ina vacca, ch' in sappi mulscher treis gadas per di ed ina nuorsa, ch' in sappi tunder treis gadas per onn. Mo tut empermetter ha gidau nuot; il paster leva gir ora. Vilada ha sontga Margriatha detg, ch' el deigi sfundrar tochen culiez e quella jarva en l' alp, ch' era aschi savurusa e fagieva dar aschi bein latg las vaccas, ha ella smaladeu, ch' ella ei seccada vi ed ha piars tut sia mur. Quella jarva vegn aunc ussa numnada: Jarva sontga Margriatha. 86. Las lausas. In sa magliar lausas ton sco ins vul; quellas fan mai mal, essend che sogn Giusep e Nossadunna han sin lur fuigia en Egipta ruassau sut in lauser e perquei sa ins buca vegnir tussegaus ne survegnir mal tras magliar lausas. 87. Il crapp de sogn Carli. A Mumpe - Medel ei in crapp, sil qual Carl Baromäus ha scret siu num, cura ch' el ei vegnius a Muster. Quei crapp numna ins il crapp sogn Carli. 88. Il crapp sogn Martin. A Mumpe - Tujetsch ei in crapp ed en quel ves' ins la noda d' in pei d' in umm. Quei ei il crapp sogn Martin. … 89. Il crapp della Gneida. Il crap della Gneida s' anflava pli da vegl si en igl uaul de Tersnaus. Quei crapp ha il nausch ruclau giu encunter la caplutta de sontga Cathrina. Mo il crapp ha untgiu ora la caplutta ed ei setschentaus giu el funs dil Glogn. Vilaus, ch' el haveva buca saviu smaccar la caplutta, ei il giavel curius giu suenter ed ha portau il crap in toc de tschei maun si. El

-073-

Sagen 1053 crapp encorsch' [p. 653 modifica]ins aunc ils calcogns, il tgil, il tgau e las caultschas dil giavel. 90. Il crapp de Salischina. Sin l' alp de Salischina ei in ualti gron crapp cun duos rusnas, ch' ei mass grad en in schanugl. Sin quell' alp era ina gada in fetg pietus umm, che stev' adina enschanuglias sin quei crapp e scheva paternos. El ei staus aschi ditg e schi bein, che sias schanuglias han fatg en las duos rusnas el crapp. 91. Il crapp Tschalarer. Ualti giudem las aclas de Breil ei in ault crapp tut isolaus d' auters. Leu se redunavau redunavan las Tschalareras; perquei numn' ins el il crapp Tschalarer. 92. Il crapp de sogn Valentin. A Pigneu mussan ins aunc il crapp de sogn Valentin. El schai bucca da lunsch sur la baselgia de sogn Valentin en ina muschna. Cura che sogn Valentin ei vegnius sur quolm a Pigniu, ha el entschiet ha pardagar. Mo la glieut leu era marcladira de pagauns. Sogn Valentin ei vignius in di vilaus et ha detg: „Jeu vi mussar, che quei, che jeu digiel, seigi ver. Ei glei ver aschi franc, sco jeu passel cun mes peis en quei crapp, sin il qual jeu pretgial.“ Et el ei passaus culs peis el crapp, ch' ins encorscha aunc oz ils fastitgs. 98. Il crapp dils Tirrans. Damaneivel della vischnaunca de Ruschein, sut il crest della ruina Fronschberg ei ina platta cun in per rusnas tagliadas ora sco cuppas. Ord quellas magliavan ils tirrans lur suppa, cura ch' ei berschavan la caltschina, per baghiar il casti de Fronschberg. 94. Il crapp dellas strias. Sur la vischnaunca de Ruschein ei in grond crapp, che se pusa sin ina platta, sco sch' el fuss tchentaus leu alla posta. Quei crapp havevan las strias runau ina notg giu dal quolm e vulevan ruclar el giu sin la vischnaunca. Ellas fagievan teribla prescha e clomavan ter ina lautra: „Fistgenei, fistgenei, avon che Gieri, Gioder e Rumetg berlien.“ Mo ei ha tuccau de stizzar, avon ch' ellas havevan finiu ed ei han stoviu schar il crapp sin la platta. 95. Il crapp de Cuflons. En la vall de Cuflons s' anfl' in crapp, sil qual las strias vegnan mintgamai … a saltar. Glieut naschida dis de quatter tempras han schon viu trentaquatter pera a saltont sin il crapp, ch' ei per schiglioc nuot a parti gronds.

-074[p. 654 modifica]

1054 Sagen 96. Il crapp de Cavrein. En Cavrein ves' ins ils pass d' ina femma, ch' ein fitgai stagn e clar en in crapp. La femna seza ves' ins certas notgs ad encurir ensemen ils thiers sterschai, per far penetienzia pils thiers, ch' ella ha fatg ira alla malura. 97. Il crapp dil giavel sut Vella. Sutt Vella ei in liuc nomnaus Bual e sut ei in crapp e cheu fagievan … ei barlutt. Sco perdetga ves' ins aunc las nodas de pei caura el crapp. 98. Il scazi de Cresta Munteina. Mont tras Sagogn ora, ha in student della scola nera detg: „Cresta Munteina, Platta pussenta, E Pezza Mundaun Vallan pli che Brescia e Milaun.“ Auters dian, ch' il scolar della scola nera hagi detg: „Cresta Munteina, Platta pussenta E Seglia de tgeuns Vallan pli che Brescia e Mileun.“ En la cresta de Munteina ei zuppau in priel plein daners, che se muossa sonda sontga. In, che podess cuorrer treis gadas entuorn il crest duront il tuccar igl Alleluja la Sonda sontga, vegness ad anflar il scaci. In pur seigi, cura ch' el aravi siu prau a cresta Muteina vegnius cun la fliua encunter la manetscha dil priel, mo el hagi sachergiau e perquei … seigien priel e daners sfundrai ed ei seigi lu restau al pur mo la manetscha. 99. Il scazi de Platta pussenta. Sut la Platta pussenta, che schai sin ils confins de Schluein, Sagogn, Laax e Fallera, schai in grond scazi. In inocent affont ei jus ina gada sper quella platta via, cheu ha el viu ina femna en alv, la quala haveva avon ella treis badlinis in plein aur, igl auter plein argien et il tierz plein sugas. Ella ha detg agl affon: „Prenda giu de tgei batlini, che ti vul, ton scoti pos portar.“ Igl affon ha priu ina suga e purtau quella a casa a Sagogn. 100. La caplutta de sogn Benedetg. La caplutta de sogn Benedetg sur Somvitg doveva vegnir baghiada ora sil crest de Plaun de cruschs. Mo la notg portav' in utschi alv naven la crappa e metteva el liug, nua ch' ella ei us.

-075-

Sagen 1055 Cu ei va [p. 655 modifica]de nossa glieut a Roma, damondan ei adina, sch' ei seigi carschiu en pastg en la via, che meina si sogn Benedetg. 101. Il scazi de Putnengia. Allas dudisch per Nadal notg se muossa in custeivel scazi en la tuor de Putnengia; mo quel ei fetg grevs de survegnir, pertgei in sgarscheivel … tgaun ner cun egls de fiuc sesa sin el. 102. Las vaccas de Putnengia. Ei fuva il di avon sogn Placi, ch' in pur vegniva ina clara e biala sera en encunter Selva. Arrivaus dadens Dieni aud' el in grond scadanem de thiers. El mira giu e vesa entuorn las ruinas de Putnengia in rosch vaccas, che pasculavan per ils praus aunc buca fenai entuorn. Igl umm saveva buca capir quei e vegn perquei en gronda tema. Spertamein va el a casa, mo cur ch' el ei gl' auter di turnaus ora da Selva, vesa el per siu grond smervegl ils praus de Putnengia en flur sco avont e nagin havess encorschiu, ch' ei fuss stau en thiers. 103. La veglia, che ha tuccau la mugia. Ei fuv' inagada in fumegl che perveseva, cheu vegn ina femma veglia en nuegl e roga per empau latg. Igl umm ha detg, el seigi mo fumegl ed astgi buca dar latg senza lubientscha dils patruns. Sin quei va la veglia de fussau ora, tucca ina stupenta mugia sin la crusch dil dies e di: „Quei dat ussa ina gada in brav bi biestg, ne buc? Gie, sch' jeu survegnel halt buca latg, sche stoi jeu ir.“ Cun quels plaids ei la veglia ida ord nuegl ed il fumegl ei staus mal, ch' el ha stoviu schar ira ella cun ils mauns vits. Lautra damaun, cura ch' il fumegl ei vegnius a parver, ha el viu, che quella mugia, la qualla la veglia haveva strihau, havev' empau dies ault. Miront el allura pli bein, ha el encorschiu, che la mugia havev' il malner en la crusch dil dies e saveva buca star sin peis pli. 104. Il rap el parlet d' aua benedida. O Zignau voleva in ina gada mirar, sch' ina femna, che haveva schliet num, fussi ina stria. Il mat ha mess in rap cun la crusch ensi el parlet d' aua benedida, che quella femna fuv' en baselgia. Cura che la femna volev' ira ord baselgia cun ils auters, anflav' ella negina porta ded ir ora e mav' entuorn, sco sch' ella fuss stuorna. Aschi gleiti sco il mat ha volviu il rap el parlet, ha la femna saviu ira ord baselgia. 105. La stria de Chischliun. In umm ed ina dunna de Chischliun, che havevan negins affonts, han in liung temps schau star cun els ina femna jastra. Sur Sontget si

-076[p. 656 modifica]

1056 Sagen possedeva quei umm in grond clavau plein fretg. In di eis ei vegniu giu ina stermentusa lavina, che ha stuschau il clavau giu atras Sontget, tochen giu la Scaletta e cuvretg en quel totalmein. Igl umm plirava, ch' el hagi buca fein per ses thiers e sin quei di la femna, che fuva tier el, el dovei prender ina pala e vegnir cun ella, aluscha vegli ella mussar ad el, tgei ch' el hagi de far. Igl umm ha fatg per cammond e strusch ha el giu cavau surora in per palas neiv, sche ha el giu siu fein. Sminont, che quella femna seigi ina stria, ha el fatg persenn, sch' ella mondi en baselgia … e sch' ella ditgi leu paternos. El ha viu, ch' ella mava savens sin claustra e cura ch' ella fuva leu enschanuglias sco autra glieut, sche fagiev' ella ira la bucca tont sco ella podeva, sco sch' ella schess paternos. Mo cura ch' ins ha tadlau pli bein sisu, tgei ch' ella digi, sche han ins udiu, ch' ella scheva adina mo: „Fil alv, fil blau; fil alv, fil blau“. 106. La stria de Vrin. Ina gada era ei ina fetg biala matta enta Vrin, la qualla plirs mats havessen giu bugien. La mumma d' in de quels mats, che saveva pli che magliar paun, ha temiu, siu figl survegni buca quella matta e perquei ha ella fatg ina fetg biala petta, la qualla ella ha dau alla matta. La matta era tut loscha sin quella biala petta ed ha mussau ella a siu fumegl. Il fumegl sminava buca bien ed el ha detg alla matta: „Sch' jeu sun buns per in cussegl, sche dai la petta a tiu engarschaun“. Mo la matta leva magliar ella e di: „Na ina aschi biala petta dun jeu buc al piertg“. Il fumegl di: „Sche dai mo miez e glauter miez maglia buc, tochen ch' il piertg ha buca magliau“. La matta ha allura dau miez la petta agl engarschaun eschi gleiti sco lez ha giu magliau la petta, eis el curius e voleva far giu gl' esch della casa della dunna, che ha giu dau la petta. La matta era contenta, sc' ina olma d' haver suondau il fumegl ed ha berschau … l' autra mesadat el fiuc. 107. Il cudisch e la striadira. Il scarvon Duitg era staus a Muster cun ils signurs. Ei era igl atun e turnont a casa ha el buca podiu arrivar entochen Breil; el ha stoviu star sur notg en in clavau dellas aclas de Dardin. Schi da mesa notg eis ei vegniu en quei clavau, nua ch' el dormeva, spir hazlas, che fagievan ina terribla ramur ed emprovavan traso ded ira cul cudisch, aschi ch' il scarvon stoveva tener quel traso sut bratsch. Quei era tut striadira screta cudisch, el che voleva perquei ira cun quel. 108. La stria e la gromma. Ina ga ei in umm de Danis jus si Breil cun ina brenta gromma si dies. El ha entupau ina femna veglia, che saveva pli che magliar paun.

-077-

Sagen 1057 Quella ha domondau [p. 657 modifica]el, tgei ch' el hagi en la brenta. Igl um rispunda: „Figneclas.“ Cura ch' el ei staus a casa ed ha mirau en la brenta, sche era ei en figneclas enstagl gromma. 109. Igl etg de far gromma. In calgier de Muster ha viu, co la dunna della casa, nua ch' el luvrava, … unscheva la panaglia cun in etg mellen. Quei ei curdau si ad el ed el tratga: Jeu vi mirar sisu empau, tgei quei ha de muntar. La dunna pren lu ina scadiolla gromma e tilla panaglia cun quei e pren ord la panaglia plirs gronds stiecs paschada. Ussa ha il calgier saviu, tgei quei etg vegli dir, ed el ha tut dascus priu empau de quei etg ed ei jus cun quel a casa. Suenter haver unschiu en sia panaglia cun igl etg, ha el mess en ina scadioletta gromma e tratg panaglia ed era el ha survegniu plirs stiecs paschada. Mo cheu ei in grond umm ner vegnius en stiva cun in belezia cudisch sulerau ed ha dumendau, sch' el vegli buca se schar scriver en. „Mo bein fetg bugient“, e cura ch' igl umm ha dau il cudisch, sche ha el scret en: „Jesus Maria.“ Sin quei ei igl umm stulius ed en il cudisch della striadira, ch' il calgier haveva en ses mauns, era ei scret en miez la vischnaunca. 110. La stria de Matèrgia. La stria de Matèrgia ei stada la davosa en la Cadi. Schon pliras gadas havev' igl Obrigkeit voliu schar pegliar ella, mo ei havevan mai podiu fermar la stria, pertgei quel, che peglia ina stria, sto poder tener ferm ella, entochen ch' ella fa treis turnighels el luft. Aber la stria de Matèrgia era vegnida pli fina e mava mai giest atras il vitg Muster, sco la via menava, sunder tchuncanava adina sper la casa Capeder sut quella dils Berthers ora. In siu cumpar era se schaus giu cun igl Obrigkeit, de metter ella a mauns al salte grond de cumin, cun vegnir cun ella permiez il vitg si e sper la casa dil Landrechter. Cura che la stria ei vegnida lautra gada a Muster, ha el detg a sia cumar: „Bien di cumar, co va ei?“ La stria rispunda: „Ei va adina cun la honur, cun lezza mondel e cun lezza tuornel en ed o de Muster.“ Il cumpar di allura, ch' ella deigi compignar el, els hagien gie de bia de tschintschar ensemen. La stria ei stada contenta d' ira cul cumpar ed ha buca astgau schuncar giu il stradun, per buca far suspects a siu compogn. Vegnet si avont la casa dil Landrechter, pegli' il salter si ella e tegn ella ferm, era duront ch' ella fa ils treis turnighels. Uss' era la stria piarsa ed ha stoviu se schar menar, nua ch' il salter ha voliu. Gl' Obrigkeit ha lu schau berschar ella sin in cassett lenn, leu avont la casa dil Landrechter. … Romanische Forschungen XI. 3. 67

-078[p. 658 modifica]

1058 Sagen 111. La stria, che haveva se fatg cavagl. In fuormann de Surrhein vegniva cun dus caval encunter la pun gronda. Tut anetgamein se ferman ils cavals e fan buc in pass ne anavont ne anavos, sche gie ch' il viturin deva cun la gheisla ed ils pugns. Ils dus cavals havevan aunc mai se mussau stetics ed il viturin ha finalmein se fatg en, ch' ei podess esser striegn, che havess noschiu ils thiers. El catscha siu cunti en in calun al cavagl de maun seniester ed enaquella han ils cavals puspei tratg sco vivont. Vid il cavagl vesev' ins negina noda dil cunti, zun nuot. Mo gl' auter di ei vegniu a docter ina femna, che haveva giest quei snez enta culiez. Quella han ei pegliau si ed igl Obrigkeit ha termess ella a Cuera sin dertgira, aber il striegn ha gidau ella ord tuttas fallas. 112. Ils cavals dil barlutt. Dus frars de Muster havevan plirs cavals, denter auter in colli ed in schemel. Mo quels dus thiers vegnevan adina duvrai da notg dellas strias. La damaun vesevan ils fumegls, ch' ils pauper thiers eran tut en ina aua dil suar ed ils cavels della cuma e della cua eran fatgs en terschollas. … Ina damaun ha in mat de Muster entupau quels dus cavals curent tut spuentai giu dil fistatg dil Run, pertgei ch' ei era gleiti las uras de tuccar de stizzar e lura stovevan las strias haver mess ils cavals en stalla, aschiglioc schabiav' ina disgrazia cun els e las strias havessen bucca saviu se naziar ded els pli. Ils cavals eran taccai sut e havevan si lur cumets e hottas, aber il car, el qual las strias sevevan, podev' il mat buca ver. El udeva mo lur gibels e lur risadas. 113. Igl umm e las treis strias. In umm, che mava tras las Pardiallas, ha viu leu en las caglias treis femnas. Igl umm saveva buca capir, pertgei quellas se zuppassien da bi clar di ed ha rugadau neunavont ellas cun siu fest. El ha viu, ch' ei era femnas, ch' el enconuscheva, las quallas eran vegnidas sin lur scuas dil barlutt. Las treis femnas han smanatschau ad el, de manizar si el, che las gaglinas sappien magliar, sch' el ditgi ora ad enzatgi, co el hagi anflau ellas en las caglias. 114. La tatta stria. Ord dado il vitg de Butschanengia viveva ina femna cun ina tatta ed ina buoba. La femna fagieva adina compognar la buoba la tatta a messa ed admoneva la buoba, de star eri e far suenter tut quei, che la tatta fagiessi avon. Mo la pintga ha detg, ella astgi buca far suenter alla tatta; pertgei cura ch' il farrer aulzi si quei popp per las combas, sche

-079[p. 659 modifica]

Sagen 1059 hagi la tatta si in cumet e ditgi traso: „Guotas e rabaizas, guotas e rabaizas.“ Autra glieut fetschien aber buca de quellas caussas. Lura ha la femna viu, che la tatta era ina stria. 115. La casa ch' ei schallada. In mat, che mava savens tier ina matta, ei vegnius ina sera tier ella, che la giuvna e la mumma sminavan nuot e vesa co quellas purtavan in curte aua e schevan: „Tgi, che sponda mo in stel aua, a quel deigi la casa schellar ensemen sur siu tgau en. Nus lein ira a biala stiva ed essan segiras, che negin va cun rauba ord casa.“ Il giuven, che ha gleiti viu, ch' ei era duas de pigiels, ha spert dau in stausch, ch' il curte ei darschius … ed ei fugius cun dus segls ord casa. Miront el anavos ha el viu, che la casa era tut schellada e las duas strias cun ella. 116. La stria, che mava a cavagl sin l' uolp. In pur de Faltscharidas ha viu mont sper il pegn de Rodund sut Lunpegna ora ina femna cun in barlac tschietschen e verd ed in schierl si dies, che mava a cavagl sin ina uolp d' in pegn si. 117. Il barlutt si Russein. In umm de Villa haveva la biestga si Russein. Ina sera eis el jus a vitg. Turnont anavos ha el udiu, co ins saltava e sunava en siu nuegl. Pleins tema ha el udiu ina vusch, che hag detg: „Sch' il patrun dil nuegl vul vegnir en ed ira treis cun mei, sun jeu fetg contenza.“ Sinquei ha il perveseder fatg la sontga crusch e tut ei stau quiet. 118. La stria si Schlans. A Schlans carteva tut mal sin ina veglia. Aber per franc saveva negin, sch' eis fuss ina stria ne buc. En ina societat ha in giuven detg, el vegli schon saver far ina emprova cun la veglia e far seglir quella ord da fanestra, sch' ella seigi ina stria. Ses camerads levan buca crer quei ed el ha schau vegnir sin l' emprova. Il mat ha cargau ina pippa tubac e mess en rena benedida dils treis sogns retgs denter en. El ei jus en casa della veglia, ei semess encunter gl' esch et ha fimau tubac. Ualti gleiti entscheiva la veglia a vegnir malruaseivla e di al giuven, el hagi ussa propi in schliet tubac, ella possi buca vertir quei fem. Il giuven ha aber fimau vinavont ed ei buca se muontaus navent digl esch. Vesent la veglia, ch' ella saveva buca mitschar zanua auter, seglia ella si, arva la fenestra e cun iu in sgregn se bett' ella della fenestra ora. Da leu denvi han ins saviu, co ei steva cun la veglia. 67*

-080[p. 660 modifica]

1060 Sagen 119. Il rin della striadira. Avon onns ei in umm vegneus daven da Rueun tras las aclas de Siath per tard en la notg. El vegn tochen Clavadi tier in clavaziel sper in uaul e crappa. Tut eninaga s' encorscha quei umm, ch' el era en in rin, nua ch' ina partida striadira sunava e saltava. In de quels striuns vegn neutier quei umm, numma el per num e gi: „Uarda, sche ti gis ora ad enzatgi … quei, che ti vesas cheu, sche vai buca bein cun tei!“ Igl umm ha empermess bugien de quescher tgeu, mai sch' el vegni libers, mo el ha enconoscheu … fetg bein quei umm, che plidava cun el. La fiasta de sogn Leci vegnan lu il striun e lauter umm in sper lauter a messa en la caplutta de sogn Leci. Il striun dat vi ina presa tubac agl umm, mo quel vul buca prender. Sinquei muoss' il striun, ch' el deigi prender e quescher, schiglioc hagi el buca de spitgar bia bien. Igl umm ha sin quei priu la presa ed el ha mai detg ad enzatgi, tgi s' anflavi el rin de Clavadi. Della tema aber, ch' el haveva pegliau, eis el vegnius malseuns e morts gleiti suenter. 120. Las strias sin la pun de sontga Gada. Il prer mava ina gada cul caluster sur la pun de sontga Gada. Ei era quitordisch strias sin la pun ed omisdus han stoviu ira miez tras ellas. Cura ch' ei han giu passau la pun, ha il prer fatg ira vi il caluster per dir allas strias, che quellas, che veglian vegnir libras, deigien vegnir cun el. Ei gliei vegniu mo siat e quellas ha il farrer deliberau. Las autras siat ein stadas dil giavel. 121. Il cavrer e las treis strias. Mont il cavrer de Muster ina damaun cun sias cauras, sche ha el cattau adagur treis magliacs de sablun fatgs si per la notg vargada. El ha sminau pauc bien e fatg si sin il pli pign ina crusch cun siu fest. Cura ch' el ei staus siado cun sias cauras, ha ei dau garnialla tut alla stuorna, che sias cauras devan si gronds beschels. Turnont cun las cauras a casa, ha el mirau suenter, sch' ils treis magliacs seigien aunc leu e rugadau si quels. Sut il ils dus magliacs, nua ch' el haveva buca fatg la sontga crusch, era ei duas femnas mortas, sut il pign aber nagin. 122. Il cavrer, che mava a Nossadunaun. A Pigniu era ei in cavrer, che negin saveva, danunder ch' el fuss. Cura ch' el vegniva firaus e domengias sigl ault cun ses thiers, sche targiev' el ora calzers e caltscheuls, tagliava si sias solas pei e mava per las preits crapp ora a Nossaduneun a messa e la sera turnava el tonaton a casa cun tuttas sias cauras. Quei ha el fatg quendisch onns, ed ei allura morts sco in sogn. El haveva ina gada se schau scriver en el cudisch dil

-081[p. 661 modifica]

Sagen 1061 striegn ed ha fatg penetienzia cun ira sin quella strappazusa moda a Nossadunaun. 123. La processiun dellas strias sin il Run. In umm ha inagada viu el Run per la fiasta de Sontgilchrist ina processiun, bia pli gronda, che la processiun de sogn Placi. Ei era de tuttas sorts glieut, denter auter era ad el enconuschenta. Vegnent las femnas pli datier ded el, ha ina femna griu: „Havesses ti buca la scrotta cotschna enta culiez, sche lessen nus far tei aschi menedels, che las gaglinas savessen … magliar si.“ 124. La buoba, che saveva far miurs. En ina familia a Sagogn s' anflavan duas snadrinas a cuser. Ellas luvravan vid plirs vestgius de colurs claras e recentas. Vesend la buoba della casa quei, sche clom' ella tut en ina ga cun legherment: „Quei fuss bialas scrotas de far miurs.“ La snadrina ha detg: „Sche fai pia ina.“ La pintga ha buca schau dir duas gadas e fatg ina miur ord stratscha. La snadrina ha detg, ella deigi era far ira la miur. „Gliez sai jeu buca far, jeu stoi ira avon et emprar la mumma,“ ha la buoba respondin respondiu ed ella ei ida on stiva dadora. Suenter paucs moments eis ella turnada en schent: „Ussa vi jeu guess far ir la miur.“ Ella pren zuola e suffla la miur de stratscha, ch' ella ha entschiet ad ir, che negin ha mai viu pli ella. 125. Il scolar della scola nera, che saveva far star eri. Ina In scolar della scola nera vegneva ina gada cun in umm della gonda de Laax giu. Vi della vard de Castrisch aravan la glieut dapertut sin ils funs. Il scolar della scola nera ha detg agl umm: „Quels cheuvi vi jeu far star tuts eri.“ El ha detg in per plaids e tut quels, che aravan, ein en ina gada stai eri, sco sch' ei fussen petgas de sal. Mo in luvrava ruaseivlamein vinavont. Igl umm ha domondau il scolar della scola nera, pertgei ch' el sappi buca far star eri quel. „Cun quel sai jeu far nuot,“ ha il scolar della scola nera respondiu, „Quel crei nuot e mira sin neginas enzennas.“ 126. Il scolar della scola nera, che leva maridar. Ina ga era ei in scolar delle della scola nera, che vegneva savens a Pigniu e leva maridar ina matta de quella vischneunca. Mo la matta voleva buca saver bia ded el e per gudignar la bunaveglia della matta ha il scolar della scola nera empermess, sch' ella vegli dar ad el enzitgei sin la letg, sche vegli el mussar ad ella enzanua en la greppa, nua ch' ei se sarvi ina aveina d' aur, sut la quala ella sappi metter in cup de lenn, che s' emplaneschi

-082[p. 662 modifica]

1062 Sagen … mintga quart onn cun aur. La matta ha aber nuota giu merveglias ded el ed il scolar della scola nera ha buca nussau ad ella l' aveina. 127. Il scolar della scola nera, che baghiava casa. Ina gada ha in scolar della scola nera detg ad in umm si Tujetsch, ch' era vid baghiar ina casa, sch' el deti ad el quei, che sia dunna hagi sut il schos, vegli el baghiar la casa e mirar, che la casa seigi si, avont ch' ei tuchi lauter di de stizzar. Igl umm ei staus d' accord de far quei patg cun il scolar della scola nera; pertgei el saveva buca, tgei quel della scola nera volessi. Mo cura ch' igl umm ha tschintschau cun il farrer, ha lez bein capiu, tgei il scolar della scola nera hagi maniau. Il farrer ha detg agl umm, el deigi star l' entira notg sper ils zeñs, e sco ch' ei seigi da las uras de mesa - notg, deigi el tuccar de stizzar. Cul serar notg fuva vid quella casa luvres senza fin e cura ch' ei deva las dudisch della notg, era la casa ualti finida. Mo igl umm, ch' era sepinaus en clutger, ha immediat … suenter mesa - notg tuccau de stizzar e cheu ei il scolar della scola nera e ses luvrers tut en ina gada stai stuli, che negin ha viu els pli. Vid la casa muncav' ei mo in barcun e quel han ins mai saviu fermar si. 128. Il scolar della scola nera, che sa l' ura. Ina ga ei in student della scola nera staus a quartier tier la familia en la casa de Sontga Maria. Mintga ura, che deva, scheva el: „Buca quella ura, ina autra.“ Cura ch' ei ha dau las dudisch de miez - di, ha el detg: „Quella ura e buc ina autra,“ ed en la medema ura ha la dunna della casa survegniu in pop. 129. Il scolar della scola nera ed il drac. Ina ga ei in student della scola nera staus a maner en l' alp Russein. La sera ha il scolar entschiet a sunar e lu detg al signun, ch' el deigi mirar en tschaler, co ils curtes sbalunien. Il signun ha mirau en tschaler e viu, co ils curtes parevan de siglir in sur lauter. Plein tema ha el suplicau il scolar della scola nera, de po calar de sunar, ch' il latg mondi buca tut sutsu. In moment ha il scolar della scola nera calau cun sia musica; mo bein gleiti ha el puspei eutschiet entschiet a sunar pir che mai e detg al signun, ch' el deigi mirar en treglia, co la fumeglia se rocli. Cura ch' il signun ha mirau si, seruclavan la fumeglia tutta in sur lauter ora. Quei scolar della scola nera ha allura raquintau, ch' el seigi vegnius en l' alp per laventar si e menar dil Rein giu in drac, che devastassi tutta la vallada. Sch' els veglien mirar, co quei mondi tier, sche deigien els vegnir gliauter di en tal e tal liug e sefermar cun tarscheuls vid ils pli gronds pegns, ch' il drac possi bucca trer els tier sesez. Il signun e sia

-083[p. 663 modifica]

Sagen 1063 fumeglia havevan grondas merveglias de mirar tier, co i mondi, e l' autra damaun bein marvegl han els compignau il scolar della scola nera in toc ed han se ligiau vid ils pli gronds pegns, ch' il scolar ha encuretg ora. Lez ha lu entschiet a sunar e tut en ina gada ei in tribel drac vegnius sut la greppa ora. Il scolar della scola nera ha bess al drac in cavester sul tgau, ei semess sin el a cavagl e scurentaus cun el della vall guiado, che la crappa deva fiuc. Cura che la fumeglia ha viu il drac, tergieva el els cun tala forza tier sesez, ch' ils pegns se zuccadevan, sco caglia triembel. 130. Il scolar della scola nera ed il crapp or' il Piogn ault. In scolar della scola nera, che mava per la via veglia a Muster, ha detg, ch' il crapp sper il piogn ault a Perdomet vegni ina gada menaus ora el plaun Surrein. 131. Il scolar della scola nera a Madernal. In auter scolar della scola nera, che mava per la via vedra, ha detg, che si la Schetga seigi ina cristagla, che valli pli bia, ch' il plaun Madernal, e sche mo ina gaglina sgarsassi, vegnessi ella alla glisch. 132. Il scolar della scola nera si Segnas. Ei era in scolar della scola nera, che vegneva mintg' onn a Segnas, nua ch' el mava adina en la medema casa a mener. Il davos onn, ch' el ei staus, ha il scolar della scola nera detg al bab de quella casa, el tuorni buca pli, daners hagi el era buca de dar, per remunerar el; mo el vegli far, ch' el vegni richs detgavunda. Sin la damonda dil bab de casa, co quei sappi daventar, ha il scolar della scola nera respondiu: „Vus stoveis vegnir cun mei entochen si Stgieinas. Cura che nus essan bunamein si, sche vegn a vegnir ina stermentusa malaura. Tumei aber nuot, ei daventa a vus nuot de laid e sche vus vegnis cun mei tochen sisum, sche vegnis vus anflar enzitgei, che fa vus richs avunda, vus astgeis aber tschintschar … nuot e sche vus scheis in plaid, ei tut piars.“ Il bab de casa ei staus contents, e lauter di de marvegl ein els semess sin via. Ei era in bi di; mo cura ch' els ein stai sisum Lundernai, ha ei entschiet ina sgarscheivla … aura. Ei gliei vegniu tut stgir ed il bab de casa ha pegliau tema e detg: „Jesus Maria.“ Mo cheu ei il scolar della scola nera e cun el la malaura stada svanida ed il pur ha stoviu turnar a casa, senza haver anflau il scazi. 133. Il scolar della scola nera ed il scazi de Madernal. In scolar della scola nera ha detg ad in pur, che arava en il plauun de Madernal, ch' en siu prau seigi in parlet daners, ch' el anfli cun arar;

-084-

1064 Sprichwörter [p. 664 modifica]mo el astgi buca zundrar, schiglioc survegni el buc il scazi. Il pur ha engraziau ed arau vinavont spitgont il scazi. Tut ei ju bein, tochen tier il davos zuolc. Cheu ei la manetscha dil parlet vegnida en la paluta ed il pur ha pleins plischer clomau: „Giavel - en ussa havein nus il scazi.“ Mo strusch era il num dil nausch staus ord sia bucca, che la manetscha ei rutta ed il parlet sfundraus cun gronda ramur giufuns il terratsch. 134. La muria gronda a Ladir. Ina sera ei vegniu ina femna veglia vestgida en ner, ei ida en ina casa sisum il vitg ed ha dumendau leu de maner. Mo quels della casa han detg, els hagien buca plaz, denton ella sapi dormir sin clavau. La dunna en ner ei ida vin clavau e suenter han ins mai viu ella. Glauter di ei aber rutt ora la muria a Ladir. 135. Las duos femnas de Mompe - Medel. Dil temps della muria gronda era miert ora tut a Mompe - Medel, tochen sin duos femnas veglias. Mo quellas mavan fetg mal d' accord, aschia ch' ei savevan gnanc ira vi Muster a messa ensemen; sch' ina mava pella via veglia giu, mava lautra da Ragischs giu a messa. Sprichwörter. 209. Per stupar la bucca a tut la glieut, eis ei buca carschiu mescal avunda. 210. Detta fina, mauns lischents; bi dado e nuot dadens. 211. Mo cun in crapp fa ins buca mir. 212. Pauc giudezi, bia caprezi. 213. Aschi ditg sco ins ha dens en bucca; sa ins buca, tgei ch' ei tucca. 214. L' aua ed il pievel po negin tener. 215. Pli gronds il schambun, pli gronds igl amitg. 216. Coccas senza frina, ummens senza cor. 217. Negin remiedi, negin fastedi. 218. Biala pugniera dat schliatta fiera. 219. Igl onn ha ina gronda bucca. 220. Prer cun buna parvenda conta bein. 221. Denter duas sondas dat ei bia marveglias. 222. Il vischin ei miez parents. 223. Gaglina, che va per casa e clavau, u ch' ella picla u ch' ella ha piclau. … 224. Sisum tut e giusum nuat.

-085-

Sprichwörter 1065 225. [p. 665 modifica]Bien vin fa tschintschar latin. 226. Nua ch' il giavel sa buca metter ils corns, metta el la cua. 227. In umm de paglia valla ina femna d' aur. 228. Bia purschals ein buca tschupials. 229. Ei dat adina calzers, che vegnan dretgs a dus. 230. Per cavar cristaglas, va ins buca sur mar. 231. Mintga rusna ha sia clavella. 232. Pintga braunca, pintga mona. 233. Ins sto buca far la fiasta avon la vigielgia. 234. Culs zens tuccan, aud' ins buca las bransinas. 235. Buns tiarms, bunc vischins. 236. In cunti gizza lauter. 237. Ils tgauns pigns uorlan adina. 238. Buobs mutschignus, ummens merveglius. 239. Gronda migionza, pintga pussonza. 240. Riendi per spiendi. 241. Cura che tut di, che la vacca seigi gaglia, ha ella zanua in tachel. 242. Ina tupa miur ei quella, che ha mo ina rusna. 243. Viver e schar viver. 244. Gronda casada, pintga jerta. 245. Studens han bia parents. 246. In fuorn pign drova pauca lenna. 247. Vanadat ei ina flur de mesa - stad. 248. Buna tschera dat bunas candeilas. 249. Basta, frina et aua dat pasta. 250. Gronda furtina fa schliatta frina. 251. Marvegl sin ils quolms e tard en l' ujarra porta la megliera pagaglia. 252. Vacca bein tenida, veschla bein unschida. 253. Ord il vin nescha sgurdin. 254. La roda va entuorn. 255. Mintga crest dat siu pon fein. 256. Glin senza restas, femnas senza caprezi, ummens senza fel eis ei buca d' anflar. 257. Della bial' aura e de buna glieut vegn ins mai unfis. 258. Il giavel ei manedels e fila gries. 259. Mass igl umm cun la pial della dunna si dies, survegness el ina autra. 260. Ummens pigns han savens gronda cua. 261. Mintga cavegl ha sia umbriva. 262. Tgi, che sefida sin signeria, resta a mesa via.

-086-

1066 Sprichwörter [p. 666 modifica]263. Dunna grassa, dunna lassa. 264. Biestg cun fom maglia mintga strom. 265. Ei dat buca femnas e cavals senza mals. 266. Quei, che vegn da claustra, va da claustra. 267. Cu la dunna ei en pigliola, ha mala vita la scadiola. 268. Ina bien tschaler dat bien vin. 269. In sto ludar il selvadi e star el dumiesti. 270. Buna femna, bien num. 271. Gronda casa, pign clavau. 272. Ina carn fa lautra ed il vin fa la forza. 273. Igl unviern vegn tut dretg, permuglias e tgiagia stretg. 274. Tgi, che ha magliau la puolpa, sto magliar l' ossa. 275. Tgi, che ha fatg la buglia, dovei magliar ella. 276. Quel, che ha magliau il giavel, sto era magliar ils corns. 277. Tgi, che cumpra la scotga, sto era cumprar la brocca. 278. Fatg resta fatg. 279. In plaid surdetg ei buca scret. 280. La rauba ei de quel, che gauda. 281. Tgi, che ha maridau la vieua, marida ses deivets. 282. In astga buca schar crescher jarva el vial. 283. Via de bara, via de nozzas. 284. Tgi, che porta il bast, pag' il past. 285. Mintgin sgratta sia rugna. 286. Mo ina gada peglia buca terratsch. 287. Tgi, che ha art, ha part. 288. Tgi, che rumpa, paga. 289. Tgi, che cammonda, paga. 290. Tgi, che rispunda, paga. 291. Tgi, pegl' il moni, ha la scua. 292. Pop fa de pop. 293. Tgi, che va per fiuc, piarda liug. 294. Per cun per. 295. Il zenn grond paga tut. 296. Il gieneral ha tgil. 297. Pitg petg dat letg. 298. Tgi, che smacca la crosa, magl' il coc. 299. Nua che la talpa dat, eis ei cos. 300. Pli bia ei gliei e pli bia ei vul. 301. Per la fom ei meglier gries, che manedel. 302. Freid maun, cor sinzer.

-087-

Sprichwörter 1067 [p. 667 modifica]303. Meglier schliet siu, che bien dils auters. 304. In umm senza barba ei sco ina bugliarsa senza piaun. 305. Ins sto prender de quels, che dattan, e fugir de quels, che traian crappa. 306. Ina grassa cuschina fa in magher testament. 307. Gronda pupira fa fleivla natira. 308. Quei, che vegn cun schular, va cun cantar. 309. Il paun dils auters ha siat crustas. 310. Avon ch' ei gliei vi in onn, dat ei bia lufts. 311. Tut vul giustia, mo buc a casa sia. 312. In umm visaus ei miez salvaus. 313. Tgi, che vul ina biala famiglia, enscheivi cun ina figlia. 314. Giu cun vin e si cun tschatschera. 315. Ei dat buca pieun senza uglieuls. 316. La pli biala rosa vegn frozla. 317. Tgi, che rufida las crustas, va a frusta. 318. Brids, siras e quinadas de rar d' accord ein stadas. 319. Als sogns vegls envid' ins buca candeilas. 320. Bia vaccas neras fan alvas las matteuns. 321. In sto beiber il vin, e schar l' aua al mulin. 322. Pli vegls ch' il scaf ei, e meglier ch' el va. 323. Ils gronds han liunga cua. 324. Il rir fa bien saung. 325. Tgi, che lauda sogn Pieder, blasma buca sogn Paul. 326. Zerclem crescha dapertut. 327. Tgi, che mida mistregn, fa buca striegn. 328. Ei dat pli bia cumpars, che amitgs. 329. Mintga sturniala ha sia capiala. 330. Filar setel ei buca cunst, aber filar ch' ei tegni. 331. Cussegl el vin ha mai buna fin. 332. Sogn Martin dat la torta a finadin. 333. Pli vegl e pli stuorn. 334. Tgi, che ha il tgil de paglia, tema il fiug. 335. Muneida fa queida. 336. Buccas bletschas fan pugns. 337. Dane e sunscha ei bien ded unschar. 338. Buna casarina va buca pli lunsch, che sia gaglina. 339. Mumma rugnusa, figlia tegnusa. 340. A tgi, che vegn cun paun cun pera, tut fa biala tschera. 341. Femna gaglia, pauc de vaglia. 342. Diesch scrottas ei meglier, ch' in scarp.

-088-

1068 Sprichwörter 343. [p. 668 modifica]Tgi, che tard fa dents, vesa murir tuts ses parents. 344. Igl emprim ils dents, allura ils parents. 345. Paun de quindisch dis, fom de treis jamnas. 346. Dalunsch artau, ton sco catau. 347. Ils zenns gronds tuccan de rar. 348. Per far striegn, sto ins far grond e gries. 349. Aua tgeua cava riva. 350. Ei porta buca neu de far uvierchel sin ina brocca nauscha. 351. L' amur e la signaria vulan buca compagnia. 352. Cu la teila ei urdida, termetta Dieus il fil. 353. Ils signurs tilan il saung sut las unglas dil pur o e beiban quel. 354. Oz en possa, dameun en fossa. 355. Sper signeria sto' l pur empaglia. 356. Era gaglinas perdertas ovan a piarder. 357. In stat meglier sulet, che cun in sturnialla. 358. Dar e prender fa bien cor. 359. Sch' in fitta si in pal, dat ei in cardinal. 360. Pli bugien ch' ins fa, pli tgiunsch ch' ei va. 361. Fein manau ei miez magliau. 362. Nuot ughiau, nuot gudignau. 363. Quel, che cuorra, ei per ordinari memia tard. 364. Tgi, che vul pugnar, sto esser dell' era de pugnieras. 365. Pli savens ch' ins drova la clav, ei pli tgiunsch ch' ella va. 366. Ins sto mirar sil purschi e buca sil begl. 367. Quei che vegn davos, rispund' ins cul davos. 368. Parer e buc esser, ei sco filar e buca teisser. 369. Cun ina meltra fein dat ina vacca buc ina meltra latg. 370. Per ira sin ina messa nuvialla, sin la fin d' in affon ed a cumin dovei ins rumper dua pera calzers novs. 371. Quinaus e quinadas, nauscha bargada. 372. Paun lom fa fom. 373. In cunti giezza lauter. 374. Ei dat nuot pli dariet, che dis. 375. Letg cauld, casa freida. 376. Mintga tapagnac sa fimar tubac. 377. Cun inschign san ins castrar in muschin. 378. Mintga porta ha siu marti. 379. La maglia fa travaglia. 380. Tgi, che ha daners, ha parents. 381. Ei dat pli bia paglia, che graun.

-089-

Sprichwörter 1069 382. Gries crut paun [p. 669 modifica]cut. 383. Las giuvnas fan not per sal e las veglias van cun salera e tut. 384. Falir ston quels, che fan. 385. Tgi bein beiba, bein maglia. 386. Legher scheiver, tresta cureisma. 387. Bein cargau ei miez purtau. 388. Tgi, che ei nuot a casa, ei nuot ad alp. 389. Fugir ei buca cunst aber mitschar. 390. In vieu ed ina vieua astg' ins buca far curvien, sch' ei greschan sin porta baselgia. 391. Liunga oraziun, pintga devoziun. 392. Quorta damonda, franca risposta. 393. Buna rauba ei mai cara. 394. Ins sto viver culs vivs. 395. Tgi, che ri il venderdis, bragia la domengia. 396. Ins sto buca trer en ner per gagl. 397. Mintgin mier' en sia pial. 398. Paun lomiau, miez magliau. 399. Quei, che mazza buc, engrascha. 400. Igl unviern ei liungs. 401. Mintga scua affl' in moni. 402. Oz en possa, damann en fossa. 403. Cu Niessegner renta, sto ins star sin pun. 404. Meglier in solet amitg, che diesch parents. 405. Tgi, che fa buc ils fers de giuven, sto far els da vegl. 406. Quei, che vegn dau anora cun caz, sto ins prender anen cun priel. 407. Aura d' Avrel e carezia de mattauns, oz bi e damaun matgiert. 408. Tgi, che mal cusa, bein petga. 409. Il magnificat astga buc esser pli liungs, che las viaspras. 410. Ina macorta scrotta ei pli bi, ch' ina biala rusna. 411. Sin aulta sgolada vegn bassa tschentada. 412. Biala vita ei ina buna cocca. 413. Dormir fa buca fom. 414. Fein e spruns, fan il cavagl buns. 415. Grassa marenda dat buna vusch. 416. Nagin bab vegn d' enconuscher, sco s' auda, siu figl. 417. Ins vegn era d' enfrar il pli grond piertg. 418. Giuncher quet, davos nuet. 419. Paun fa saun. 420. La mort seta ils giuvens e sega ils vegls.

-090-

1070 Sprichwörtliche Formeln Sprichwörtliche Formeln. [p. 670 modifica]1. In batta glinas. 2. In batta quarts. 3. Ina bucca bletscha. 4. In buca ded oz. 5. Ina buglia latg. 6. In cun gnarva dubla. 7. In, che ha magliau caschiel. 8. In, che ha pial curom. 9. In, ch' ei naschius el steinbok. 10. In, che piard' ils calcogns. 11. In, che sa pli, che beiber aua. 12. In, che sa ton, sco quel leugiu. 13. In della corna lada. 14. In della corna dira. 15. In buca ded oz. 16. Ina de pigiels. 17. In de broda. 18. In freda neblas. 19. In maglia neglas. 20. In spuenta mustgas. 21. In strubegia tortas. 22. In tgagia rar. 23. In tgagia stretg. 24. Ina bucca sco in von de paglia. 25. In nas sco in cuzer. 26. In nas sco ina panaglia. 27. In tgau sco ina spurtella. 28. In tgau sco in uestg. 29. In tgau sco in mistral. 30. In tgil sco il cudisch digl ABC. 31. In tgil sco ina platta pegna. 32. Ina tschera sco ina caura crappada. 33. Alv sco ina camischa. 34. Bi sco in piez. 35. Bi sco in bambin. 36. Blau sco in izun. 37. Canera sco il barlutt.

-091-

Sprichwörtliche Formeln 1071 38. [p. 671 modifica]Clar sco la glina. 39. Cret sco in bien di. 40. Cret sco in paun cauld. 41. Dariet sco paglia. 42. Eri sco in lenn. 43. Eri sco in pal de clauder. 44. Fidau sco in crapp. 45. Fin sco in fil seida. 46. Fin sco vin e latg. 47. Grass sco in tschepp. 48. Grond sco ina casa. 49. Grond sco in uors. 50. Leds sco ina olma. 51. Jertg sco in vadi. 52. Liung sco la fom. 53. Liung sco ina latta de seif. 54. Liung sco in lenn de clavau. 55. Maigher sco ina caura. 56. Maigher sco in lenn. 57. Mal sco ina uolp. 58. Marsch sco in cusch. 59. Magliera sco ina gaglina. 60. Matgiert sco in giavel. 61. Nausch sco il malon. 62. Neidi sco in pupi. 63. Ner sco ina cazetta. 64. Ner sco la sontga tiarra. 65. Pign sco in plugl. 66. Platt sco ina schlonda. 67. Plaun sco in utschac. 68. Satell sc' in coniv. 69. Satell sc' in' umbriva. 70. Schuber sco l' alva de marvegl. 71. Schuber sco il solegl. 72. Sec sco ina carlogna. 73. Sec sco in lennteigien. 74. Sec sco in stgein. 75. Serein sco il tschiel. 76. Spert sco in camutsch. 77. Spert sco ina miur.

-092-

1072 Sprichwörtliche [p. 672 modifica]Formeln 78. Spert sco in paliet. 79. Spert sco in stgirat. 80. Stgir sco la bucca dil luf. 81. Stgir, sco ded esser en pegna. 82. Stgir sco ina tauna d' uolps. 83. Stgir, sco ded ir en ina vacca. 84. Stgir sco ina vacca nera. 85. Stuorn sco in vacca. 86. Tgietschen sco in luf. 87. Tgionsch sco ina nuorsa. 88. Tup sco la crappa. 89. Tup sco in tschepp de lenna. 90. Vegl sco la crappa. 91. Vegl sco il crapp de Flem. 92. Vegl sco il crapp digl uors. 93. Vegl sco paun e latg. 94. Vegls sco pul e penn. 95. Verd sco igl agl. 96. Viv sco ina musteila. 97. Viv sco ina perla. 98. Viv sco in stgirat. 99. Brischar sco ina urticla. 100. Dar cun il pal. 101. Dar sco de sturnir il nausch. 102. Durmir sco in crapp. 103. Esser sin tuma. 104. Esser sin circa. 105. Far, sco il gianter en ina panaglia. 106. Ferdar l' aura. 107. Ferdar il nausch. 108. Haver il bau. 109. Haver solegl e glin' ensemen. 110. Ira sin la buna ura. 111. Ira alla mal' ura. 112. Ira giun tegia sut. 113. Ira giu, nua ch' ei caschan grass. 114. Ira sin cauras alvas. 115. Ira sin la scua. 116. Magliar vi sia part solegl. 117. Mirar ils barcuns digl uestg.

-093-

Sprichwörtliche [p. 673 modifica]Formeln 1073 118. Mirar las cauras digl uestg. 119. Mirar sin cauras alvas. 120. Schar dar l' aura pils larischs. 121. Tadlar il solegl. 122. Tener ils manedels. 123. Volver gassaca. 124. Volver il buriu ano. 125. Aur ed argient. 126. Barba e barbis. 127. Beglia e buttatsch. 128. Bena e benagl. 129. Briec e brocca. 130. Brocca e burtgiet. 131. Bulzani e bizochels. 132. Calzers e caltscheuls. 133. Canialas e combrollas. 134. Capetscha e capiala. 135. Capi e capiala. 136. Caplon e caluster. 137. Caput e capiala. 138. Car e cavagl. 139. Casa e clavau. 140. Casa e cuort. 141. Clavau e clavaziel. 142. Coga e capiergnia. 143. Corda e cudisch. 144. Crusch e cafanun. 145. Crusch e curschin. 146. Crutschs e clavellas. 147. Crutschs e curauns. 148. Cut e cuzer. 149. Farcla e farschel. 150. Fein e feglia. 151. Feglia e frastgias. 152. Fest e fagott. 153. Fiasta e firau. 154. Fil e filisellas. 155. Fiuc e flomma. 156. Grau e grazias. 157. Malsognas e mangonias. Romanische Forschungen XI. 3.

-094-

1074 Sprichwörtliche Formeln [p. 674 modifica]158. Malsogna e mort. 159. Massa e marti. 160. Mats e mattauns. 161. Mangola e mesalauna. 162. Miula e mesa. 163. Miur e misaron. 164. Mola e molin. 165. Mustga e muschin. 166. Palla et petg. 167. Pastg e pastira. 168. Paun e petta. 169. Paun e piaun. 170. Paun e pischada. 171. Pella e pissun. 172. Pez e pindels. 173. Piertg e purschi. 174. Plugls e pelischs. 175. Prau e prada. 176. Preit e paglia. 177. Prer e pader. 178. Pugns e pals. 179. Pugns e patgs. 180. Pugns e peis. 181. Pul e paun. 182. Pul e pen. 183. Puns e pass. 184. Puns e piogns. 185. Purseppen e purselau. 186. Puoz e pultaun. 187. Sal e suolper. 188. Segal e salin. 189. Stgela e stgalin. 190. Spass e solaz. 191. Stiva e stebli. 192. Stromm e stubla. 193. Suga e sughet. 194. Taxas e taglias. 195. Tschamien e tschamiala. 196. Tgau e tgil. 197. Tun e tempiasta.

-095-

Sprichwörtliche Formeln 1075 [p. 675 modifica]198. Via e vial. 199. Vin e vinars. 200. Zappa e zappun. 201. Zezzen e zignun. 202. Bi e bien. 203. Bia e bein. 204. Bien e bauld. 205. Cauld e cametsch. 206. Criu e cotg. 207. Cuort e crutsch. 208. Dretg e dueivel. 209. Faliu e futiu. 210. Gries e grop. 211. Gron e grass. 212. Liung e lad. 213. Malfatg e maltratg. 214. Maltertau e malempudau. 215. Maltschec e malvugliu. 216. Tgietschen e tschol. 217. Plaun e platt. 218. Pign e pover. 219. Pillau e pisau. 220. Tradiu e truau. 221. Arar ed arpagar. 222. Barhar e barghignar. 223. Bersar e berschar. 224. Burlir e bargir. 225. Cuser e cuntschar. 226. Enganar ed engular. 227. Envernar ed engarschar. 228. Encurir ed enflar. 229. Grir e giblar. 230. Mustiar e magliar. 231. Patertgar e ponderar. 232. Par' e plai. 233. Plirar e plonscher. 234. Rir e rigiar. 235. Seglir e saltar. 236. Sunar e saltar. 237. Seschignar e sedar. 68*

-096-

1076 Landwirtschaftsregeln [p. 676 modifica]238. Sburflir e sburitschir. 230. Sesgarflar e selitgar. 240. Sgrir e Sgargnir. 241. Sgarar e sgraziar. 242. Slavunar e slavazar. 243. Strer e stilar. 244. Tretlar e tuffar. 245. Tschuffergniar e tschachergnar. Landwirtschaftsregeln. 114. In bi Daniev ed in bi Uost. 115. In migieivel Schaner dat ina ruha primavera ed ina caulda stad. 116. Tuna ei il Schaner, sche dat ei glatscha senza fin. 117. Dat la talp' il Schaner, sche cuzza igl unviern toc' il Matg. 118. In schetg Schaner dat neiv il Fevrer. 119. Plievia Schaner maunca la stad. 120. Bi Schaner, schliet Matg. 121. L' aura de Buonia fa biala via. 122. De sogn Bistgaun entscheivan las plontas a crescher. 123. Eis ei bial' aura sogn Vintschegn, sche prend' el ora il den agl unviern. 124. Eis ei freid sogn Vintschegn, sche mett' el anen il den. 125. In clar sogn Paul, in bien onn. 126. Sontga Brida smacca las crossas. 127. L' aura de sontga Brida pertgiri della lavina tgi, ch' ei en prighel! 128. Cufla ei Nossadunna de candeilas, ei la primavera avon esch. 129. Macorta Nossadunna de candeilas, biala tschera fa il pur. 130. Eis ei bial' aura Nossadunna de candeilas, sche vegn igl uors ord tauna, tuorn' anen e stat sis jamnas; eis ei stgir, sche vegn el ord tauna e va buc en pli. 131. Sontga Gada mein' ils gasts a casa. 132. Sontga Gada, sogn solegl amiez la vallada. 133. Sontga Gada, mesa envernada. 134. Sontga Turte vegn cun la neiv, sontga Balugna cun la cufla. 135. Piarda sogn Mathias il glatsch, sch' afla sogn Giusep el. 136. In clar sogn Mathiu, in ruch unviern. 137. Va il Favrer cun neiv e glatscha, sche survegn il Matg il premi.

-097-

Landwirtschaftsregeln 1077 [p. 677 modifica]138. Miez Favrer, miez il fein en faner. 139. Favrer ils emprims dis bucca luf, il davos cua d' aur. 140. Favrer ne favrea, Marz ne marzea, Sto igl Avrel trer per la curea. 141. Ils lufts dellas quattembras de Marz dattan tochen igl Uost. 142. Cu ei neiv' ils curonta marters, dat ei aunc trenta bischas. 143. In bi sogn Giusep dat in bien onn. 144. Sogn Giusep stezza la cazolla, sogn Mihel envid' ella. 145. Bia neiv sogn Giusep Mars, bauld ir' ad alp. 146. Sogn Benedetg schetg, survegn mintga crest siu fretg. 147. Il luft, che dat sogn Benedetg Mars, cun las uras, ch' el entscheiva, dat el tutta primavera. 148. Sogn Benedetg pli bugient ina caura crappada en nuegl, che cambrida … sils pegns. 149. Biala damaun de Nossadunna Mars dat in bien onn. 150. Nossadunna Mars stezza la cazolla, sogn Michel envida ella. 151. Miez Mars duess dar il favugn. 152. Il Mars cugliuna la glieut. 153. Ar' ins il Mars, ar' ins treis meins. 154. Dat ei pauca aua el Rein il Mars, cresch' ei era buca latg en la sadiala il Matg. 165. Tuna ei il Mars, sche dat ei in fretgieivel onn. 156. La glina Mars regia tochen la glina Uost. 157. Tontas brentinas il Mars, tons urezzis il Zercladur. 158. Luft de Mars e plievia d' Avril dattan in bi Matg. 159. Solegl sin la palma dat in bien onn. 160. Sch' ei neiva giu per la palma, sche neiv' ei giu per la cua della vacca. 161. Sch' ei plova Venderdis sogn, dat ei in bien onn. 162. Plov' ei de Pastgas, sche plov' ei las bia domengias de stad. 163. Plov' ei de Pastgas, sche gartegi' il fein. 164. Neiv' ei calond' Avrel, staup' ei nuegl. 165. Igl Avrel duess la talpa stenscher el zuolc. 166. L' aura digl Avrel tenta la glieut. 167. L' emprima plievia d' Avrel levan ils snecs. 168. Neiv gl' Avrel dat bia pastg. 169. In bletsch Avrel dat bia fein. 170. Igl Avrel ei fumegl dil Mars e lai anavos, sco el ha survegniu. 171. Calonda Matg plievia, pauc fretg.

-098-

1078 Landwirtschaftsregeln … … [p. 678 modifica]172. Purgina igl emprim di de Matg fa dar bein fretg. 173. Vegn la neiv giu el prau grass carschen Matg, lu vegn ella giu in ton mintga meins la stad. 174. Ei l' emprima purgina de Matg buca tussegada, sche fan era las autras buca donn. 175. Amiez Matg fin d' unviern. 176. Sco l' aura ei Anzeinza, eis' ella gl' entir onn. 177. Plievia d' Anzeinza, searv' il terratsch. 178. Plov' ei d' Anzeinza, po ei mai plover avunda. 179. Bial' aura Anzeinza dat in fretgieivel onn. 180. Tun' ei il Matg, dat ei ina freida stad. 181. In frestg Matg dat bia fein. 182. Il Matg sto la lenna de chischar fimar empau, sch' el deigi esser buns. 183. Tun' ei il Matg, sche vegn il graun bien marcau. 184. Matg frestg, Zercladur lomm fan reh onn. 185. Luft sogn Gion regia tutta stad. 186. Il luft de sogn Gion, regia sur tut onn. 187. La carschen sogn Gion ne prenda ne dat. 188. Plievia sogn Gion, piarda mintga spigia siu graun. 189. Cur ch' ei plova sogn Gion, van las nuschs entocs. 190. Bi sogn Gion, bia fretg. 191. Sco l' aura ei de sogn Gion, eis ella de sogn Michel. 192. Cont' il cucu suenter sogn Gion, dat ei in car onn. 193. Sco Nossadunna va sur quolm, aschia tuorn' ella anavos en quatter jamnas. 194. Bial' aura sogn Placi, bial' aura Nossadunna de Uost. 195. L' aura de sontga Margriatha, tut che vul la gratta. 196. Bials dis tgaun han in bien onn entamaun. 197. Sontga Maria Madleina vegn cun la brocca pleina. 198. Biala Madleina, vegn cun curteuna pleina. 199. Plov' ei Maria Madleina, sche cresch il graun en clavau. 200. Bial' aura sogn Giachen, port' in bien onn. 201. Plievia sogn Giachen, car fein. 202. Sufl' ei de sogn Giachen, sche sufl' ei aunc ditg. 203. Bial' aura sogn Giachen drova dus de purtar aua ed in de purtar frina; macort' aura sogn Giachen, drov' in de purtar aua e dus de purtar frina. 204. Plievia sontg' Onna, car graun. 205. Fa ei cauld l' emprima jamna d' Uost, dat ei in ruch unviern. 206. In bi sogn Luregn, in bi atun.

-099-

Landwirtschaftsregeln 1079 [p. 679 modifica]207. Sch' ei plova Nossadunna d' Uost, sche plov' ei tochen Nossadunna September. 208. L' emprima plievia d' Uost mazza las bueras. 209. L' emprima plievia d' Uost van siat cars mustgas dellas Pardellas ora. 210. Brentina igl Uost dat in freid unviern. 211. In bien Uost metta paun el canaster. 212. D' in schetg Uost eis ei aunc mai vegniu paupra glieut, d' in bletsch bein. 213. Sogn Barclamiu entscheivan ils snecs a far uvierchel. 214. Bial' aura sogn Barclamiu, Pur fai plaun tiu. 215. Sche sontga Frena pescha en la mesalauna, sche dat ei in bletsch atun. 216. Ina burida sontga Frena, in schliet atun. 217. Sco l' aura ei Nossadunna September, eis ella aunc otg jamnas. 218. Tontas purginas e schaltiras avon sogn Michel, tontas purginas e schaltiras suenter calonda Maia. 219. Sch' ils utschals se train buc' avon sogn Michel, sch' ei igl unviern avon Nadal meins crius. 220. Plov' ei sogn Michel, dat ei in lev unviern. 221. Tun' ei il September, dat ei lauter onn bia prema. 222. Schetg sogn Gagl, schetga stad. 223. Bischa sogn Gagl, Ha gl' unviern bess ora in vadi gagl. 224. Sogn Gagl ei in bien di de plontar neglas. 225. De sogn Gagl stat la vacca en nuegl. 226. La rugada d' atun valla ina plievia. 227. Dat ei gl' atun bia vinatscha, sche dat ei gl' auter onn bia segal teniv. 228. Il di dellas olmas fa ei bugient ruch. 229. Bial' aura sogn Martin, fa l' aura entochen Nadal. 230. Sontga Cathrina regi' il Schaner. 231. Sontga Cathrina meina las vaccas en casina. 232. Biara stateivla neiv il November dat in bien onn. 233. Ina buna pischada il November, ei mesa caschada. 234. Sogn Leci se zuppa gl' unviern sut in tiglier. 235. Sufl' ei ils firaus Nadal, dat ei bia pumma. 236. Bia cambrida gl' unviern, bia brentina la stad.

-100[p. 680 modifica]

1080 Kinderlieder Kinderlieder. 125. Baseli, basarett, Maglia la gromma cun in dett. 126. Benedicta hai jeu num, Bialla, schitta tochen sum; Bials mungiets cusi da fin, Toca cumbel tut de fulin. 127. Cathrina, begl de frina, Letga ora la cazetina. 128. Giacum Benedetg, pletg, Metta la schlond' osum il tetg. 129. Giachen canastret, Catscha la guila osum il det. 130. Giachen platt, Cun la miur en sac. 131. Giachen sper la crappa, Tschaffa il marti e batta. 132. Gion Giachen Capiergna. Ei maridaus vi sur mar; Ha rut la scadialla, Sa minga pinar. 133. Gion Giachen Turte, Ca pers il calzer; La dunna ha anflau E mai pli turnau. 134. Margretta va sin la plaunca, Lai ruclar giu la petta; Il giat ha anflau, La miur ha magliau. 135. Mari - Onna, Mari - Onna, Aschi leunga, aschi lada, Sc' in grond malon. 136. Martin, Martin, Martetgiel, Che has combas sc' in andutgel. 137. Matiu, Matiu, Matutgel, Ch' as combas sc' in andutgel.

-101-

Kinderlieder 1081 [p. 681 modifica]138. Mierta, Mierta davos la porta, Sche Ti eis buca morta, Sche dai risposta. 139. Luis, barbis, Siglienta la buis entochen giu Danis. 140. Onda Neia, siara la gieina, Avon ch' ira a tscheina. 141. Onna Mareia Cun la brocca giu sin veia. 142. Rest Mathiu miez marschiu, Rest Mathiu futtiu. 143. Sepa peca, che maglia adina ina petta. 144. Tatta Tresa, Tila presa; Fruscha la cacca Della basatta. 145. Il det polisch mazza plugls, Igl auter letga gromma, Il grond sgratta tgil, L' auter viarmenet, Il davos petschenett. 146. Il Tieni de maluns, Il Rest de scarpuns, L' onda grossa, La Turte quorta, Il retg de falletga Eran tschun fargliuns. 147. Tieni de maluns, Retg de falletga, Della vascheia secca, Della fandialla liunga, Della tschentta vacca. 148. Mistral fil, Misterlessa onza, Gion - Benagl, Gieri - quagl, Tizander, Mengia - quorta, Turte grossa, Che mavan dell' acla en

-102[p. 682 modifica]

1082 Kinderlieder Cun igl erbst enta culiez Ed il caz de tschagrun giu pil dies. 149. Holla, Hoscha! Sche Ti vul scursala, Sche lai î, sco' i va. 150. Quei ei in gron e bi marcau, Treis casas ed in clavau, Treis mattauns ed in burre, In caplutt, sc' in sattlutt, In zenn, che tuna de penn. 151. In, dus, treis, Plaun ei bucca teis; Quatter, tschun, sis, Panetscha ei buca ris; Siat, otg e nov, Ina vacca ei buc in bov; Diesch, endisch, dudisch, Il pader ha pers il cudisch; Tredisch, quitordisch, quendisch, La gaglina ha rut igl endisch; Sedisch, gisiat e schotg, La glina va la notg; Scheniv, vegn e ventgin, Gion manedel e siu frar pign. 152. Pazienzia porta rosas, Rosas portan frozlas, Frozlas portan plugls, Plugls fan morder, Morder fa sgartar, Sgartar fa berschar, Berschar fa mal, Mal fa murir. 153. Nani zolli, vicazolli, Sch' ei gliei in pop, Sche lein nus salvar, Sch' ei gliei ina poppa, Sche lein nus trer cheu ô E schar magliar il totô, Pign e grond e tgi, che po. 154. Pender e stender,

-103-

Kinderlieder 1083 [p. 683 modifica]Mats ei dariet de vender; Luvrar e murtirar, Mattauns ei car cumprar; Mats dat ei diesch per in discherin, Mattauns mo ina per in zechin. 155. a. Sin la pun Zigniau Datten ei siat matteuns Per in striegn freid, Ina goba et ina zoppa suren. b. Sin la pun Zigniau Sa ins cumprar siat matteuns Per in striegn piertg. 156. Ina Sabella, Che mava ora sin quella stendida clavella, Havev' in piertg d' engarschar, Saveva buca tgei dar de magliar. 157. Paun, paun! Sch' jeu magliel tei oz, Hai buca damaun. 158. Bien di, bien onn, dai bienmaun, Jeu hai pli bugien petta, che paun. 159. Paun e vin mantegn Martin. 160. Madregna della bucca pegna, Taglia bia e maglia ti, Taglia pauc e dat a mi. 161. Nuot enzolver, pauc gientar, Tschein' ina pul de se strunglar. 162. Tgei has gientau? Marveglias en tei, Veschlas en mei. 163. Vacca tschocca, Matta zoppa, Dunna goppa, Um sbutlau. 164. Derdutgel, diardutgel, Gion Giachen sunava, Margretta saltava, Il pop rigiava, Il tgaun burlava. 165. Endutgel diartutgel,

-104[p. 684 modifica]

1084 Kinderlieder Igl aug Giachen sunava, L' ond' Onna saltava, La buoba ruclava, Con legher quei mava. 166. Chicas e coccas, Damaun dat ei nozzas 167. Alleghermen Susanna! Gliei miert igl aug Tusaun, L' ha schau davos per testamen In cup de lenn. 168. Sche gie la tatta ei morta, Sche tonaton allegher! 169. Sch' jeu mass vi la Lombardeia, Schess la casa a mesa veia, Jeu muress e ti artassess, Sa tgei miarda, che ti anflasses? 170. Bau, bau, sontga Clau, Va sin tschiel e fa clavau. 171. Bau, bau, sontga Clau Va sin tschiel e fa bi bi, Porta giu ina petta a mi. 172. Balla beina Sin cadeina, Luci stuorn Si pil fuorn, Dunna veglia fa si paun, Dat cun la pala giu pil maun. 173. Ei plov', ei dat sulegl, Las cauras fan cussegl. 174. Ei plova e bischa E crescha narradira. 175. Nebla, neblagia, Tochen Curaglia, Tia sor' ei on zuler, Tiu frar ei giun tschaler, Tiu bab ei sut meis' en, Tia mumma ei sut baun en, Tiu tat ei sut la greppa E dat, tut ch' el sapetscha, Tia tatta ei sin fiera

-105-

Kinderspiele 1085 [p. 685 modifica]E maglia pera ch' ella miera. 176. Nebla, tschebla, Plein de trebla, Cu tia mumma vul ovs, Vul tiu bab magliar bovs; Cu tiu tat vul buglia, Di tia tatta, zuglia. 177. Tschachera, tschachera, Della vall Fallera! Tia mumma ei sin baun, Tiu bab ei sut baun en, Tiu frar ei en bara, Tia sora va per la senda. 178. Tschachera va ora Fallera! Tiu bab ei en bara, Tia mumma ei giun plaun, Tia sora ei sin baun, Tiu frar ei a zundar. 179. Tschachera, tschachera, Tochen si Fallera! Tiu frar ei sin baun, Tia mumma ei giun plaun, Tiu tat ei giud esch. E fa pesch. 180. Liunga stretga eis ti vegnida Giu da Siath, Brida sburritschida, Nauscha cun in setton, Has de far cun pign e gron. 181. Il giavel va en crotscha E smacca si tut l' ossa, La manedla e la grossa, E fa in dretg barlutt. Kinderspiele. 81. La clav. In entscheiva il giuc cun tener ad ault ina clav e recitar spert ils plaids cheu sut. Lu dat el la clav a siu vischin, il qual repeta ed augmenta

-106-

1086 Kinderspiele [p. 686 modifica]quels. Tgi, che falescha, dat ina penetienzia. Aschia va ei entuorn tier sis ed entscheiva lu puspei de niev, tgi che falescha dat ina penetienzia. 1. Quei ei la clav della siara digl esch della casa digl umm de lenn. 2. Quei ei la guota, nua ch' ei era pendiu si la clav della siara digl esch della casa digl umm de lenn. 3. Quei ei la miur, ch' a rois vid la guota, nua ch' ei era pendiu si la clav della siara digl esch della casa digl um de lenn. 4. Quei ei il gat, ch' a pegliau la miur, ch' a rois la guota, nua ch' ei era pendiu si la clav della siara digl esch della casa digl umm de lenn. 5. Quei ei il tgaun, ch' ei seglius si dies al gat, ch' a pegliau la miur, ch' a rois vid la guota, nua ch' ei era pendiu si la clav della siara digl esch della casa digl umm de lenn. 6. Quei ei il catschadur, ch' a sitau giu il tgaun, ch' era seglius si dies al gat, ch' a pegliau la miur, ch' a rois vid la guota, nua ch' ei era pendiu si la clav della siara digl esch della casa digl umm de lenn. 82. Zenn pign e zenn grond. Dus buobs stattan ensemen cun il dies in encunter lauter e la bratscha … davos vi en crusch. Lu cloma in: „Zenn pign“, ed aulza lauter ord tiara sin siu dies. Cura ch' el ha schau giu, cloma quel, ch' el ha alzau: „Zenn grond“, ed aulza tschel. Quei fan ei, entochen ch' ei vegnan unfis. 83. Fender la buora. Siat buobs ensemen fan in giug. Dus ston semetter giu sin tuts quatter; quei ei la buora. In auter sto semetter cul tgau denter las combas … de quels en; quei ei il cugn. Dus buobs pli gronds prenden lu in pli lev, et aulzan quel sco mogn. Quel sdermeinan els cun forza encunter il cugn. La buora se fenda e tut sto rir. 84. La mort sogn Giachen. In affon stat endies giun plaun e fa la mort sogn Giachen. Ils auters cuorran entuorn el e cloman: „Mort sogn Giachen, mort sogn Giachen, leva si!“ Allura leva quei affon, che fa la mort sogn Giachen si, e peglia ils auters. Quel, ch' el ha pegliau igl emprim, ha lura la tezla de far lautra gada la mort sogn Giachen. 85. Pertgir la caura. Ils affons se mettan entuorn ina meisa. Mintgin prenda ina part della caura. In prend' ils corns, lauter il tgau, in auter il culiez e. a. v. Quei affon, che ha priu il tgau, entscheiva a dir enzitgei dil tgau, per

-107-

Volksgebräuche 1087 [p. 687 modifica]exempel: „Miu tgau crescha“, „miu tgau trembla“, e quei affon, che sesa sper el, sto allura dir enzitgei de quella part della caura, ch' el ha priu, per exempel: „Mes corns pugnan“. Quei affont, che sa buca dir enzitgei de quella part, ch' el ha priu, sto dar in pegn e pli tard far ina penetienzia. 86. Castrar la nebla. a. Dus buobs prendan treis fests. Dus vegnien teni in sin lauter et il tierz vegn mess en crusch tras ils auters dus. Ils fest a travers vegn tratgs ferm tras ils auters dus. Castrada ei la nebla, cura che ils fests brischan. b. Ins metta denter igl esch e la sava in lenn cun pez sin scadin maun. In buob tegn igl esch, dus auters mettan ina suga entuorn il lenn. Cun trer sin scadin maun della suga, va in lenn entuorn. Sin quella moda peglia il lenn fiug. c. Ins metta in fest tras ina finiastra nuegl. De d' in maun tegn ins a funs il fest, aschi ch' el schei ferm sin igl ur della faniastra sut. Tras trer il fest cheu tras, peglia el era fiug. 87. Spruch de parter. Cura ch' ils affons han de parter enzatgiei, dian ei, cura ch' ei va encunter la fin, il spruch: Pèr ni spèr! Eis ei pèr, eis ei miu, Eis ei spèr, eis ei tiu! Volksgebräuche. 8. Mesa cureisma. Da mesa cureisma vegnev' ei en entginas vischnauncas della Surselva ei temps vegl, sco ei raquintan, magliau la carn d' in pulein. Mo ils spirituals … hagien perdegau encunter e plaunsiu hagi ins calau si cun quei usit, che vegnievi aunc nau dil temps dils pagauns. Aunc ussa vegn ei en bia vischnauncas resgiau la veglia. Ils buobs de scola fan pintgas resgias de lenn cun dents ed in moni e resgian lu las pli veglias buobas della scola beinduras tochen sil saung. Ils vegls schevan, pli ch' ils buobs resgian la veglia ed in meglier onn, ch' ei deti.

-108-

1088 Volksgebräuche [p. 688 modifica]9. Il di de sogn Marc. Per sogn Marc van quels de Sutsassiala cun processiun a Schlans. Pli davegl sedevan ils buobs sin tal di, enqualgadas era ils ummens. Pli fetg ch' ei sedettien et in meglier onn, ch' ei detti, cartevan biars. Als buobs, che mavan igl emprim onn a sogn Marc, schevan ei, ei stoppien bitschar la veglia ne litgiar spema dil vegl, che seigi sut in crapp si Schlans. 10. Il di de sogn Antoni. Per il di de sogn Antoni mavan mats e mattauns de Siath sin ils quolms ina tegia a lautra a magliar gromma. Suenter mavan els sin il plaun de Tazarizs e se divertevan cun dar el dies, dar la portga, la caura, far spus persul e tschetta - bigiet. Pli da vegl mavan era mintgamai in mat ed ina matta sin ina plaunca leu sura, pigliavan in lauter entuorn tschenta e se ruclavan aschia dus e dus giu en il plaun. La schuba prendeva … la matta giudem ensemen. 11. La vigielgia de sogn Gion stad. La vigielgia de sogn Gion stad vegn ei en las vischnauncas romontschas dil cumin Ruaun duront it il tuccar de miezdi rut giu fluras sin ils praus, principalmein la flur sogn Gion per pender quellas ord da barcun vid in crutsch. Ei vegn detg, che quellas flurs, ch' ins rumpi giu duront tuccar de miezdi vigielgia sogn Gion stad, seigien benedidas e fetschien, ch' il tun detti buca giu. A Breil rompev' ins giu frastgas ischi a Sagogn frastgas a flurs suitg e pendeva quellas ord da barcun per esser preservaus dil tun e malas auras. Dapli cartev' ins, ch' ils truffels e baguos, sch' ins fagieva si tratsch sin la vigielgia da sogn Gion stad, verdegassien in toc meglier. Sch' ins possi buca entuorn de scavignar e far si terratsch, gidi ei era mo de trer la cua della schuba suro. 12. Sogn Gion stad. La damaun de sogn Gion stad, avon ch' il solegl leva, van las femnas a Degien e rumpen giu frastgas fraissen, las quallas ellas pendan ord da fenestra per schurmetg encunter malas auras ed il tun. Per sogn Gion stad van en bia vischnauncas la giuventetgna els quolms per star si legher e magliar gromma. 13. Igl ir ad alp. Als buobs, che van l' emprima gada ad alp, dian ins en anqual liug, els stoppien bitschar la veglia. Gl' emprim ch' ei ein en l' alp, commonda il signun al buob, el stoppi ir per il giat ne per il crapp de far

-109-

Volksgebräuche 1089 [p. 689 modifica]tschagrun e termetta el cun ina brenta en ina autra tegia. Leu mettan ei in grond crapp u in terment tschespet en la brenta e ferman giu quella. Cura ch' il buob, ch' ei tut gobs dil purtar, arriva puspei en sia tegia, arv' il signun la brenta, pren ora il crapp u il tschespet e tuts rian ora il buob. Ne ch' ei laian trer si il tschagrun. Il buob sto ira sin tetg e trer vid in terschiel, ch' ei dattan si tras il tetg, tont sco el po, cartent, ch' el tili si il tschagrun. La fumeglia se penda vid il sughet e cura ch' ei sentan, ch' il buob ei el pli grond zug, laian ei dar il terschiel, ch' il buob rocla dil tetg tegia giu. 14. Vigielgia Nossadunna d' Uost. La vigielgia Nossadunna d' Uost vegn ei fatg uatschs, quels vegnivan dai als cavrers sco merenda. Els purtavan ilg uatsch en la tegia d' ina alp de vaccas, nua ch' ei magliavan ils uatschs cun la fumeglia dad alp, che deva gromma tier. La vigielgia Nossadunna d' Uost giginan perfin ils utschals. Per Nossadunna d' Uost se sarvan era ils scazzis, las aveinas de metal ed ils fuorns de cristaglias. In cavrer de Muster, ch' era Nossadunna d' Uost jus si cun sias cauras en la pezza, ha tut en in agada ina gada viu avon el ina aveina ded aur sco culau. Havess el bess in bategl sissu, fuss el stauss richs avunda. Mo el ha mirau anavos, e cura ch' el ha turnau a mirar, ha el viu nuot pli. Pader Placidus (Spescha) ha, mont si Nossadunna de Trun, anflau quella bialla cristaglia, che havev' en Nossadunna. Era las ragischs, ch' ins enquera per la fiasta de Nossadunna d' Uost, han ina speciala mur e forza. 15. Il di de sogn Michel. Tgi, cha vul fa giu nuschs giud ils nughers sin pastira en la vischnaunca … de Breil, sto la damaun de sogn Michel metter sia latta sper il nugher, dil qual el vul far giu las nuschs. 16. La dumengia de zundar. En las vischnauncas de Sutsassialla, nua ch' ei han pumma, era ei pli da vegl fixau ina dumengia d' October, suenter la qualla ils buobs astgavan far giu la pumma, ch' ils proprietaris havevan schau vid las plontas. 17. Usits tier il scuder. Pli bauld vegneva tut scuss a maun; per ordinari er' ei sis scudadurs. Tier la davosa èra vegnev' ei dau la stuorna, avon che zecudar il strom Romanische Forschungen XI. 3.

-110-

1090 Volksgebräuche il strom [p. 690 modifica]devan tuts ensemen cun ils flugials, ton sco ei podevan, e miraven qual podess dar il pli dabot ed il pli stagn. Il buob de strom vegneva pegliaus e fiers sil ladretsch de strom. Tier mintga èra vegneva la vanunza en iral e volveva cassa. Savens vegnev' ella lura vanada, in pegliava ella per la bratscha, in per las combas e ballavan ella vi e neu, in scudadur mava sut ora ed allura schevan ei, chella creschi bucca pli. Savens mettevan ei ella sin las fuortgas e bettevan ella sin il ladretsch de strom tier il buob. Solver vegnev' ei dau als scudadurs in bien tschagrun barsau e merenda … era in tal en ina brocca, cun in lac de pieun suren. Er' ei finiu de scuder, sche vegnev' ei fatg vintschidas; cheu vegnev' ei dau da tscheina; carn, vin, coccas cun meila e capuns cun tiastas. Il buob de strom survegneva il tatsch, ina cocca gronda, savens cun endadens curom enstagl meila. Il buob de strom, maniavan ei, piardi la carschienscha. 18. Il di dellas olmas. Per il di dellas olmas fagievan ei pli da vegl en enqual vischnaunca della Part sura agiens paunets, numnai punschas dellas olmas. Quels pauns devan ei als paupers sco almosna per las olmas. La notg dellas olmas schevan ins arder cazola. 19. Il di de sontga Cathrina. Cun quei, che sontga Cathrina ei vegnida marterisada cun ina roda, che haveva en tschien tiglioms, duess ins buca muentar ina roda per siu di, ne roda de filar, ne roda mulin. Pli da vegl mulavan ils muliners buca per quei di ed ad in muliner, che haveva mulau per sontga Cathrina, era ei seglientau la roda per strof, ch' el haveva buca teniu il di de sontga Cathrina. En la Cadi se redunava era la dertgira gronda tier l' ordinaria dertgira … digl atun sin quei di. Tala dertgira vegneva numnada la dertgira de sontga Cathrina. Per sontga Cathrina vegnevan era mats e mattauns ensemen a far legher. 20. Il di de sontga Brida. Sontga Brida ei la patruna dils muvels ed ei sco tala enconuschenta al pievel sursilvan. Il di de sontga Brida astg' ins buca schunscher bos, nun cas de basegns. En sia honur vegn ei quei di cantau la canzun de sontga Brida:

-111-

Volksgebräuche 1091 [p. 691 modifica]Sin tgei visa sointgia Brida Lein undrar ensemblameing? … Nu ei plema, nu ei rema, Per lodar vengonzameing? 5. Strusch naschida, schon tarlischa Cun enzenas claras zun, Aschi era feig selegra De far fiasta cun il mund. Sia vetta con flurs fetta 10. De vertis a perfectiuns, Nin morivi, che arivi Tier schi aults merets a duns. La feglietta aung giufnetta Si fagient el oraziun, 15. Vegu Vegn surprida cun calira De sinzera devoziun. Ina petgia sco perdetgia De fiug steillas aulla lau, Dil tschiel dada, ch' ei tschendada 20. Terlischonta sur siu tgiau. Baul tristezia baul carezia Schon da giuven a mussau, Per ils paupers avon tuts auters Sco ils faigs an declerau. 25. Tuttas visas bunas spisas Che sin tala veng portau, Quei che tucca a sia bucca, Per ils paupers ha spergniau. La pischada ch' ei muncada 30. Tras l' almosna discusmeing, Sontgia Brida tras urbida Turnentau buldontameing. Sia Mumma, che marmugnia A coregia scharfameing 35. Prest cuschenta gie contenta Cun mussar il vischi plein. La miracla ch' ei cau faitgia Fa il Satan schnegar giu,

-112-

1092 Volksgebräuche Della [p. 692 modifica]era tier la vera 40. Sco ella agi confertiu. Si carschida la natira Sco ina mumma ha dotau, Cun bialezia e dulschezia Enten Roma ha se senflau. 45. La dunschalla recha a bialla Cun in niebel cavalier, Sei spusada e bein ornada Bab a Mumma tegnien tier. Vignius pia prest sin via 50. Plontan en ses corials, Che schezegia e menegia De sblutar ils cars ucials. Ella tema plonsch' a schema Giu de tala noviutat, 55. Vesend quellas stuornas vellas Non fritgiont la castiadat. Adumbaten il ner Satan Dil uffiern ordeina lau, Il mund sbeta, Venus sieta 60. En in grepp lur pompa Pracht. La zun schubra castia tuba De siu car spus a surengiu, Ina macla tras miracla En in eilg alla urbiu. 65. Ei ventira sur mesira Quei coelestial fernies, Feig svesida sesperdida, Tut che volva gli il dies. Or dellas ujarras sut cien siaras, 70. Or dil mund secretirar, Or dils prigels sut tschien rigels Enten claustra se serar. Amen.

-113-

Alte Sprüche 1093 [p. 693 modifica]21. La mantinada a Vrin. A Vrin, Lumbrein, Surrhin vegnan las mantinadas manadas si aschia: Ins vesa in mat, che porta ina matta en in von de graun. La matta suna ed il mat saulta purtont la matta el von. Dasperas ves' ins treis ne quatter schuldaus sco guardia della matta, armai mintg' in cun in fist, che bastunan il saltunz, sch' el saulta buc' endretg. Aschia compara il giug a nus. Mo en verdat eis ei mo in mat, che saulta cun in von ruts ora amiez, aschia ch' el ha il von entuorn veta fermau sils caluns. Da miez ensi eis el vestgius da matta, da miez engiu da mat. Davos vid il von han ins fermau in miez umm de strom, che peglia culs mauns las manetschas … de mintga vard dil von. Quel ei mo de miez ensi emplanius cun strom; da miez engiu ein las caultschas vitas e tagliadas sur il schanugl, aschia che quel, che saulta, va cun sias combas en las caultschas de quel de strom e fa parer, che quel de strom saulti. In per combas de strom, vestgidas conform alla mesadat della matta de miez ensi, ein fermadas vid lezza e sesan sur il von oragiu. Aschia formescha il mat, che saulta cul von da miez ensi la matta, che suna, da miez engieu il mat, che port' il von cun ella e saulta. Da miezengiu ei la matta de strom, da miezensi il mat. Il mat ha en gassaca nera e caultschas largias e si ina capetscha cotschna. La matta ei vestgida de signura. Las guardias portan caultschas … alvas quortas, gassaca cotschna, caltscheuls ners e capetschas de students. Alte Sprüche. XVII. Enten num de Diu Mondel jeu a letg, Miu tgau vi jeu enconi; Sis aunghels giu da tschiel Vi jeu rugar, Dus da tgau, Dus da peis, E dus da mintga maun mei. Rugar la buna sontga Gada, Ch' ella pertgiri questa casa De fiuc ed avon la flomma E nausch da mintga maun mei. Sogn - Pader meini mei a letg! Sogn - Spirt mei dormenti!

-114[p. 694 modifica]

1094 Alte Sprüche Sogn - Figl mei laventi! Sin l' ura, ch' el ei levaus E tut il mund spindrau, Spindri era l' olma mia! Dieus, Ti salve - regina, Che tut il mund ei staus en tgina, Tiu sogn fretg has Ti portau, Per tut il mund has terlischau. Salva l' olma mia! Sche vi jeu dir in paternies ed ina Ave - Maria, Per salidar quei sogn num de Jesus - Maria. XVIII. Vi da tschei meun la mar Saseva nossa sontga mumma Maria, Ligieva e scriveva, Co il pauper pievel dueigi viver. Biendi, Biendi, sontga mumma Maria! Dormis ne viglieis? Jeu ne dormel ne vegliel, Jeu ha semiau in grond siemi, Ch' jeu hai tontas dolurs en miu tgau. O, tgei grond siemi haveis semiau, Che Vus haveis tontas dolurs en Vies tgau? Jeu hai semiau, che miu car solet fegl Jesus Seigi vegius cun guottas engutaus, Cun geislas gaslegiaus, E cun spinas encoronaus. Quei ei nuota mo siemis, Quei ei la vera verdat. Tgi, che fuss quei bien carstgaun, Che schess quel' oraziun Avon beiber e magliar E suenter lavar ils mauns, Lessel aschi bein pagar, Las portas digl uffiern serar, E quellas dil Parvis arver e pinar. — Amen.

-115[p. 695 modifica]

L' Ave Maria dils signuns 1095 L' Ave Maria dils signuns. (Nach Ms. Sfg.) b. [f. 1a] Hotsch la baloma! Ave Maria! Audi Diaus, il car bien S. Gion e S. Paul! Quels pertgirien av(e)[o]n tun e malas auras! Hotsch la baloma! Quella Ave Maria audi Diaus! La cara buna S. Ursla e S. Turte! Quellas pertgirien avon tuttas purginas e tuttas schal[t]iras! Quella Ave Maria audi Diaus! S. . . . . e S. Elisabet! Quellas pertgiren, che vegnen bein perina! Quella Ave Maria audi Diaus! La cara buna S. Clara e S. Gada, Quellas pertgirien las alps a casas, Che nus turnein tuts sauns a casa! O, tuts S. e Sontgias e SS. Trinitat e la Muma de Jesus Christus! O, sche lein nus far quater enzenas de S. Chrusch, Che nies Segnier a Nossa Doña pertgirien e schurmegien avon tut [mal], Lein nus far quater Ss. Chruschs! Diaus pertgiri [avon] malla gliaut! Diaus pertgiri avon mala biestgia! Diaus pertgiri avon fiug e flomas! Diaus pertgiri avon tuttas malas auras! Diaus pertgiri avon crappa e tumpiasta! O Diaus, pertgiri avon moria, calestrias! O Diaus, pertgiri avon tuts tentaments dil nauscha Spert sez, Sche enzetgi les vegnir sin il spazi de quest alp, per far, enqual caussa de laid, [f. 1b] Sche pertgirien Nies Segnier e Nossa Donna! A schi lonsch, sco ei auden a clamont quest Ave maria, Audi Diaus quels Sogns e Sontgias de Jesu e Maria! Amen. Rodel della processiun della fiasta de Nossadunna dellas dolurs a Lumbrein. La passiun de Lumbrein penda sin mintga cass ensemen cun la antica processiun per la fiasta de Nossadunna dellas dolurs,

-116[p. 696 modifica]

1096 Rodel della processiun de Lumbrein che vegn manada si leu. Nus schein suondar il rodel de tala processiun, che vegn fatga sut gronda participaziun a Lumbrein. 1. Sontga crusch gronda dellas dolurs. 2. La bula, che vegn purtada da dus ministrants gronds. 3. Ils buobs. 4. Crucifix grond. 5. Harta de sogn Filip Benizius, che vegn purtada da 2 ministrants pigns 6. Il Geni, in buob cun atgna mondura nera e mantel cun dus ummens de mintga maun, che portan ina spada perin, ils quals ein era vestgi ner cun mantel. 7. Las mattatschas e mattauns. 8. La sontga crusch blaua. 9. Il vut pign de Nossadunna, che vegn portaus da quater ummens. 10. Las otg grondas (Otg mattatschas vestgidas cun in fazolet alv cun flurs neras sur il bratsch ora giu ed in semegliont sur il dies e portan ina schenta blaua e dus scapuliers, in entuorn culiez, l' auter entamaun seniester, en maun dretg in fendli pign.) Quellas significheschan … las otg beadadats. 11. Las sontgadats, che vegnan purtadas d' ummens cun mantels ners. 12. La sontga crusch alva. 13. Ils mats. 14. La sontga crusch verda. 15. Las 7 pintgas, (siat dolurs) vestgidas sco las otg grondas, mo portan aunc ina spada sil brust. 16. Las spadas, che vegnan portadas da dus ummens. 17. Il vut grond de Nossadunna portaus de quater ummens. 18. Las treis Marias, treis mattauns vestgidas en ner culs cavels giu pil dies ed ina tschenta gaglia. Mintgina porta ina cavazza eutamaun entamaun. 19. Dus ummens, che portan ils halumbarts. 20. Ils cantadurs. 21. In crucifix e duas latiarnas, portai da mattatschs. 22. Il celebrant cun balduchin, il qual ils gieraus portan. 23. Ils ummens. 24. La sontga crusch de sogn Roc. 25. Las dunnauns. midau "eutamaun" en "entamaun"

-117